Վարազդատ Լալայան. Երկու ամիս չէի մարզվել, չհասցրի լավ մարզավիճակի մեջ մտնել (տեսանյութ)
20:57 9 նոյեմբերի, 2026Փարիզի Օլիմպիական խաղերի փոխչեմպիոն, աշխարհի չեմպիոն, Եվրոպայի եռակի չեմպիոն Վարազդատ Լալայանը մեկնաբանել է Չինաստանի Նինբո քաղաքում ավարտված ծանրամարտի աշխարհի առաջնությունում իր նվաճած բրոնզե մեդալը եւ մրցելույթը:
«Աշխարհի առաջնությունը մեր թիմի համար լավ չդասավորվեց: Ինձ ժամանակը չբավարարեց, որովհետեւ երկու ամիս չէի մարզվել, որոշ խնդիրներ կային: Չհասցրեցի լավ մարզավիճակի մեջ մտնել, հետո լավ վերականգնվել: Պայքարը ցույց տվեց, որ այս մարզավիճակում էլ կարող էի հաղթել մրցակիցներիս, ուղղակի երեւի մի բան պակաս էր, չստացվեց, չկարողացա տիտղոսս պահել:
Կպատրաստվեմ առաջիկա մրցաշարերին, ավելի լավ կլինի հաջորդ մրցումների ժամանակ:
Մրցակիցներից մասին ոչինչ չեմ կարող ասել: Շնորհավորում եմ Իրաքի եւ Իրանի ներկայացուցիչներին: Մնացածը հետագան ցույց կտա»,- ասել է Վարազդատ Լալայանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.