ԱԱ. Գարիկ Կարապետյանը վնասվածքի պատճառով հրաժարվեց հետագա պայքարից
16:50 6 նոյեմբերի, 2026Եվրոպայի եռակի չեմպիոն Գարիկ Կարապետյանը վնասվածքի պատճառով չկարողացավ շարունակել պայքարը Չինաստանի Նինբո քաղաքում անցկացվող ծանրամարտի աշխարհի առաջնությունում:
110 կգ քաշայինների А խմբի պայքարում Կարապետյանը պոկում վարժությունից հետո հրում վարժությունում երկու մոտեցում ձախողելուց հետո հրաժարվեց երրորդ մոտեցումից:
Պոկում վարժությունում Եվրոպայի եռակի չեմպիոնը հաջողեղ միայն առաջին մոտեցումը, որով բարձրացրեց 183 կգ: Երկրորդ եւ երրորդ մոտեցումների համար պատվիրված 189 կգ-ը ձախողեց: Այս վարժությունում Կարապետյանը 7-րդն է:
Պոկում վարժությունում 198 կգ-ով աշխարհի ռեկորդ սահմանեց ուզբեկ Ակբար Ջուրաեւը:
Հրում վարժությունում Գարիկ Կարապետյանը երկու մոտեցմամբ չկարողացավ բարձրացնել 217 կգ-ը: Երրորդ մոտեցման համար Հայաստանի մարզչական շտաբը 220 կգ-ի հայտ ներկայացրեց: Քիչ անց մարզիչները հանեցին հայտը, որի հետ Եվրոպայի եռակի չեմպիոնը համաձայն չէր:
Ծանրամարտի Հայաստանի տղամարդկանց եւ կանանց հավաքականների ներկայացուցիչները երկամարտի մեդալ դեռեւս չեն նվաճել: Հրում վարժությունում բրոնզե մեդալ է նվաճել միայն Ալեքսանդրա Գրիգորյանը:
Հայաստանն աշխարհի առաջնությանը մասնակցում էր 12 ծանրորդով: Տղամարդկանց հավաքականից պայքարի մեջ մնաց Վարազդատ Լալայանը (+110 կգ), կանանց հավաքականից՝ Էմմա Պողոսյանը եւ Լիանա Գյուրջյան (երկուսն էլ՝ 86 կգ):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.