Տիգրան Սիմոնյանը՝ սպորտի ոլորտը համակարգող փոխնախարար
12:35 4 նոյեմբերի, 2026Ղեկավարվելով «Հանրային ծառայության մասին» ՀՀ օրենքի 9-րդ հոդվածի 1-ին մասով՝ Վարչապետ Նիկոլ Փաշինյանի որոշմամբ մանկավարժական գիտությունների թեկնածու, դոցենտ Տիգրան Սիմոնյանը նշանակվել է ՀՀ կրթության, գիտության, մշակույթի և սպորտի նախարարի տեղակալ: Նա համակարգելու է սպորտի ոլորտը:
Տիգրան Սիմոնյանը մասնագիտական կրթությունը ստացել է Հայաստանի ֆիզիկական կուլտուրայի և սպորտի պետական ինստիտուտում, որտեղ էլ հետագայում ծավալել է աշխատանքային գործունեությունը։ 1996 թվականից դասավանդում է ինստիտուտում. եղել է բուհի Հ․ Թոփալյանի անվան ցիկլիկ մարզաձևերի ամբիոնի գիտական հարցերի պատասխանատուն, Մարզչամանկավարժական ֆակուլտետի դեկանը, ինստիտուցիոնալ հավատարմագրման աշխատանքային խմբի անդամ, իսկ 2024-26 թվականներին հանդիսացել է նույն ինստիտուտի ռեկտորը:
1984 թվականից զբաղվել է աթլետիկա մարզաձևով, եղել է ՀՀ աթլետիկայի հավաքականի անդամ, հանրապետական և միջազգային մրցաշարերի մրցանակակիր է:
Տիգրան Սիմոնյանի կենսագրությունը
Ծնվել է 1974 թ. մարտի 18-ին Արտաշատում
Կրթություն
1991-1995 թթ. - Ֆիզիկական կուլտուրայի հայկական պետական ինստիտուտի բակալավրիատ, որակավորումը՝ ֆիզիկական կուլտուրայի դասատու, թեթև աթլետիկայի մարզիչ
Աշխատանքային գործունեություն
2025 թ․ հունվարի 16–ից - «Հայաստանի ֆիզիկական կուլտուրայի և սպորտի պետական ինստիտուտ» հիմնադրամի ռեկտոր
2024 թ․ հունվարի 3-ից - «Հայաստանի ֆիզիկական կուլտուրայի և սպորտի պետական ինստիտուտ» հիմնադրամի ռեկտորի ժամանակավոր պաշտոնակատար
2020 թ․ - ընտրվել է ՀՖԿՍՊԻ–ի Մարզչամանկավարժական ֆակուլտետի դեկան
2013 թ.-ից - «Հայաստանի ֆիզիկական կուլտուրայի և սպորտի պետական ինստիտուտ» հիմնադրամի ինստիտուցիոնալ հավատարմագրման աշխատանքային խմբի անդամ
2013 թ.-ից - «Հայաստանի ֆիզիկական կուլտուրայի և սպորտի պետական ինստիտուտ» հիմնադրամի Հ․ Թոփալյանի անվան ցիկլիկ մարզաձևերի ամբիոնի գիտական հարցերի պատասխանատու
1996 թ.-ից - «Հայաստանի ֆիզիկական կուլտուրայի և սպորտի պետական ինստիտուտ» հիմնադրամի Հ․ Թոփալյանի անվան ցիկլիկ մարզաձևերի ամբիոնի դասախոս
Մարզական կարիերա
Աթլետիկայի միջազգային ֆեդերացիայի միջազգային տեսուչների անդամ
ՀՀ աթլետիկայի հավաքականի անդամ, հանրապետական և միջազգային մրցաշարերի մրցանակակիր, 1984 թ.-ից զբաղվել է աթլետիկա մարզաձևով
Գիտական հրապարակումներ
«Աթլետիկա» ուսումնական ձեռնարկի համահեղինակ
«Աթլետիկա բարձրացատկ և ձողացատկ» ուսումնական ձեռնարկի հեղինակ
Վերապատրաստման դասընթացներ
2015 թ. - Ֆիզիկական կուլտուրայի հայկական պետական ինստիտուտի կողմից կազմակերպվող «Հանրակրթական դպրոցում «Առողջ ապրելակերպ» առարկայի դասավանդման մեթոդիկայի» վերապատրաստման դասընթացներ
2015 թ. - Ֆիզիկական կուլտուրայի հայկական պետական ինստիտուտի կողմից կազմակերպվող «Բարձրագույն կրթության ժամանակակից հիմնախնդիրները և որակի ապահովումը» վերապատրաստման դասընթացներ
2003-2005 թթ. - Աթլետիկայի միջազգային ֆեդերացիայի (WA) և Եվրոպական ֆեդերացիաների ասոցիացիայի (EAA) կողմից կազմակերպվող «Աթլետիկայի մրցավարական» միջազգային սեմինար
Այլ տվյալներ
2005 թ․- դոցենտի գիտական կոչում
1999 թ. - մանկավարժական գիտությունների թեկնածուի գիտական աստիճան
1998-2000 թթ. - ծառայություն ՀՀ զինված ուժերում
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.