Շախմատիստներ Գևորգ Հարությունյանը, Սարգիս Մանուկյանը և Համլետ Անտոնյանը հաջող են հանդես եկել Շվեդիայում
17:02 3 նոյեմբերի, 2026Հայաստանի ներկայացուցիչները մասնակցել են Շվեդիայում անցկացված Hotel Stockholm North by First Hotels Young Talent շախմատի շրջանային մրցաշարերի շարքին։
Հաջող են հանդես եկել գրոսմայստեր Գևորգ Հարությունյանը, ՖԻԴԵ-ի վարպետ Սարգիս Մանուկյանը և վարպետության թեկնածու Համլետ Անտոնյանը, հաղորդում է ՀՇՖ-ի մամուլի ծառայությունը։
Գևորգ Հարությունյանը «GM2610-3110 - I» մրցաշարում 9 հնարավորից վաստակեց 5.5 միավոր, զբաղեցրեց 2-րդ տեղը և իր վարկանիշը բարելավեց 17 կետով։
Սարգիս Մանուկյանը «GM2610-3110 - II» մրցաշարում լրացրեց միջազգային վարպետի իր վերջին՝ երրորդ նորման։ Նա 9 հնարավորից վաստակեց 6 միավոր, զբաղեցրեց 3-րդ տեղը և իր վարկանիշը բարելավեց 37 կետով՝ հաղթահարելով միջազգային վարպետի կոչում ստանալու համար անհրաժեշտ 2400 վարկանիշային շեմը։
Համլետ Անտոնյանը (մարզիչ՝ գրոսմայստեր Գևորգ Հարությունյան) «IM2610-3110» մրցաշարում 9 հնարավորից վաստակեց 6 միավոր, գրավեց 3-րդ տեղը և իր վարկանիշը բարելավեց 50 կետով՝ հաղթահարելով ՖԻԴԵ-ի վարպետի կոչում ստանալու համար անհրաժեշտ 2300 վարկանիշային շեմը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.