The Guardian. Ռեդնապը կփչացնի Կապելոյի կատարած ամբողջ աշխատանքը
12:08 14 փետրվարի, 2012«Տոտենհեմի» գլխավոր մարզիչ Հարի Ռեդնապն Անգլիայի հավաքականը գլխավորելու դեպքում մտադրություն ունի թիմ վերադարձնել վետերան-ֆուտբոլիստների:
The Guardian-ի մարզական մեկնաբան Ռիչարդ Ուիլյամսը կարծիք է հայտնել, որ Ռեդնապի այդ որոշումը հետընթաց կլինի ազգային հավաքականի համար:
Ռեդնապն Անգլիայի հավաքականի գլխավոր մարզչի հիմնական թեկնածուներից մեկն է եւ ցանկություն ունի ազգային հավաքականում ընդգրկել Փոլ Սքոուլզին: Ռիչարդ Ուիլյամը վստահ է, որ այդ քայլով Ռեդնապը կփչացնի Ֆաբիո Կապելոյի կատարած ամբողջ աշխատանքը:
Իտալացու օրոք ազգային հավաքականում նորամուտը նշեցին Ֆիլ Ջոնսը, Ջեք Ուիլշիրը, Քայլ Ուոքերը, Էնդի Քերոլը, Դանի Ուելբեկը եւ այլ երիտասարդ ֆուտբոլիստներ: Կապելով թարմացրեց հավաքականի դեմքը, իսկ Ռեդնապը «պատրաստվում է դարձյալ շանս տալ մի սերնդի, որն առանց այդ էլ ավելի շատ շանս է ստացել, քան արժանի էր», գրում է թերթը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։