Գեւորգ Թադեւոսյան. Աշխարհի առաջնության բրոնզե մեդալն ինձ համար շատ կարեւոր է
16:02 30 հոկտեմբերի, 2026Այս մեդալն ինձ համար շատ կարեւոր է եւ ոգեւորող: Կփորձեմ հետագայում փոխել մեդալիս գույնը: Բրոնզե մեդալի համար գոտեմարտում իմ հաղթանակում ինձ շատ օգնեցին թիմի տղաները:
Այս մասին լրագրողների հետ հանդիպմանն ասաց աշխարհի առաջնության բրոնզե մեդալակիր Գեւորգ Թադեւոսյանը:
Ղազախստանում ավարտված հունահռոմեական ոճի ըմբշամարտի աշխարհի առաջնությունում Գեւորգ Թադեւոսյանն իր առաջին մեդալը նվաճեց մեծահասակների պայքարում:
87 կգ քաշայինների բրոնզե մեդալի համար գոտեմարտում Գեւորգ Թադեւոսյանը 4:1 հաշվով հաղթեց Ուկրաինան ներկայացնող Յարոսլավ Ֆիլչակովին:
«Շատ լավ էի տրամադրված այս աշխարհի աառջնությանը: Մեծ աշխատանքն էինք կատարել թիմով, մարզիչների հետ:
Կառանձնացնեմ առաջին գոտեմարտս, որտեղ մրցում էի ռուս ըմբիշի հետ: Շատ ուժեղ մրցակից էր: Գոտեմարտը վատ ընթացավ սկզբնամասում, բայց հետո կարողացա հետ բերել եւ հաղթել: Կիսաեզրափակիչում Իրանի ներկայացուցիչի հետ սխալներ թույլ տվեցի, այդ պատճառով պարտվեցի: Շատ էի ուզում հաղթել:
Բրոնզե մեդալի համար գոտեմարտում թիմի տղաները ֆիզիկապես եւ հոգեպես ինձ շատ լավ տրամադրեցին, պատրաստեցին: Մրցագորգում մարզիչների կողմից տրված առաջադրանքներն անելով հաղթանակի հասա:
Այս մեդալն ինձ համար շատ կարեոր եւ ոգեւորող, չնայած բրոնզե մեդալ է, բայց աշխարհի առաջնության բրոնզե մեդալ է: Կփորձեմ հետագայում մեդալի գույնը փոխել եւ ավելի մեծ նվաճումներ ունենալ»,- ասաց Գեւորգ Թադեւոսյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.