Կարեն Ասլանյան. Իմ մոտիվացիան ադրբեջանցու նկատմամբ ռեւանշի հասնելը չէր, այլ ոսկին նվաճելը
14:55 30 հոկտեմբերի, 2026Եզրափակիչում ադրբեջանցու հետ պայքարում իմ մոտիվացիան ռեւանշի հասնելը չէր, այլ ոսկին նվաճելը: Շատ էի ուզում ոսկե մեդալը նվաճել:
Մեր թիմն այնպիսի հավաքական է, որ նշաձողն ամենաբարձրն է: Աշխարհում բոլորն էլ գիտեն, որ Հայաստանի հավաքականն ամենաուժեղներից է: Ինչպես բոլոր, այս առաջնությանն էլ մեկնել էինք ամենաբարձր մեդալների ակնկալիքով:
Այս մասին լրագրողների հետ հանդիպմանն ասաց աշխարհի նորընծա չեմպիոն Կարեն Ասլանյանը:
Ղազախստանում ավարտած հունահռոմեական ոճի ըմբշամարտի աշխարհի առաջնությունում Կարեն Ասլանյանը նվաճեց չեմպիոն տիտղոսը: 63 կգ քաշայինների եզրափակիչում 8:4 հաշվով հաղթեց աշխարհի չեմպիոն, Եվրոպայի կրկնակի չեմպիոն, ադրբեջանցի Նիհադ Զահիդ Մամադլիին: Ասլանյանը Մամադլիին մրցագորգում հանդիպել էր 2024 թ. աշխարհի առաջնությունում, որտեղ պարտություն էր կրել:
«Մեր թիմն այնպիսի հավաքական է, որ նշաձողն ամենաբարձրն է: Յուրաքանչյուր մրցման գնում ենք ամենաբարձր ակնկալիքներով: Այս առաջնությանը եւս մեկնել էին ամենաբարձր մեդալների ակնկալիքներով:
Աստանայի մրցագորգում անցկացրի 5 գոտեմարտ: Առաջին երեք գոտեմարտերում հաղթեցի 8:0 հաշիվներով: Կիսաեզրափակիչում հանդիպել էի իմ մոտ ընկեր, մեր հայրենակից, Բուլղարիան ներկայացնող Էդմոնդ Նազարյանին, որին հաղթեցի 12:4 հաշվով: Ամենաբարդ գոտեմարս Էդմոնդ Նազարյանի հետ էր, քանի որ նա բարձրակարգ ըմբիշ է, անկանխատեսելի մրցակից է եւ այդ ամենին զուգահեռ՝ իմ լավ ընկերն է: Երզափակիչում ադրբեջանցուն հաղթեցի 8:4 հաշվով:
Ստացվում է, որ բոլոր գոտեմարտերում հաղթեցի խոշոր հաշիվներով, բայց մեր նպատակը դա չէր: Մեր մարտավարությունն այն էր, որ ես դուրս գամ եւ օգտագործեմ իմ ուժեղ կողմերը, վարեմ հարձակողական գոտեմարտեր:
Ինչպես արդեն ասացի, ադրբեջանցուն պարտվել էի 2024 թ. աշխարհի առաջնությունում եւ ստացվում էր՝ սա ռեւանշ է: Իմ մոտիվացիան ոչ թե ռեւանշի հասնել էր, այլ ոսկին նվաճելը եւ կատարել այն առաջադրանքները, որոնք ստացել էի մարզիչների կողմից»,- ասաց Կարեն Ասլանյանը:
Հավաքականի գլխավոր մարզիչ Արմեն Բաբալարյանը պատմեց, որ Ասլանյանի հաղթանակից հետո Ադրբեջանի հավաքականի գլխավոր մարզիչը մոտեցել եւ շնորհավորել է:
«Կարենն ադրբեջանցնուն պարտվեց էր անցած աշխարհի առաջնությունում: Նա իրոք գոտեմարտի առաջին վայրկյանից մինչեւ վերջինը կատարեց այն, ինչ խնդիր դրել էինք նրա առաջ:
Ադրբեջանցիների հետ, որպես այդպիսին, շփում չկա: Մարզիկներ եղել են, որ այլանդակ ձեւով են իրենց պահել, օրինակ Եվրոպայի առաջնությունում մեզանից պարտվելուց հետո: Կոնկրետ Աստանայում Մամադլին իրեն նորմալ դրսեւորեց: Իրենց գլխավոր մարզիչը, որը նախկինում Իրանի հավաքականի գլխավոր մարզիչն էր եւ ում հետ ես ունեմ մտերիմ հարաբերություններ, Կարեն հաղթանակից հետո եկավ եւ շնորհավորեց ինձ»,- հավելեց Արմեն Բաբալարյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.