ԱԱ. Ալեքսանդրա Գրիգորյանը 4-րդն է, հրում վարժությունում՝ բրոնզե մեդալակիր
14:11 30 հոկտեմբերի, 2026Աշխարհի առաջնության բրոնզե մեդալակիր, Եվրոպայի չեմպիոն Ալեքսանդրա Գրիգորյանը Չինաստանի Նինբո քաղաքում անցկացվող ծանրամարտի աշխարհի առաջնությունում 4-րդն է, հրում վարժությունում նվաճեց բրոնզե մեդալ:
Կանանց 57 կգ քաշայինների պայքարում Ալեքսանդրա Գրիգորյանը երկամարտում գրանցեց 205 կգ արդյունք:
Պոկում վարժությունում Գրիգորյանը միայն մեկ մոտեցում հաջողեց՝ գլխավերեւում պահելով 85 կգ:
Հրում վարժությունում առաջին մոտեցման 113 կգ-ը ձախողեց: Երկրորդ մոտեցմամբ հաջողությամբ հրեց 114 կգ, երրորդ մոտեցմամբ՝ 120 կգ: Այս վարժությունում նվաճեց բրոնզե մեդալ:
Այս քաշային կարգում աշխարհի չեմպիոնի տիտղոսը նվաճեց Հյուսիսային Կորեայի ներկայացուցիչ Օհ Կվան Օկը երկամարտի 227 կգ արդյունքով (102+125): Արծաթե մեդալակիր դարձավ չինական Տայպեն ներկայացնող Խուան Լինգ Չեն՝ երկամարտի 215 կգ արդյունքով (90+125): Բրոնզե մեդալակիր դարձավ ուկրաինացի Օլգա Իվժենկոն՝ 214 կգ (96+114):
Չինական Նինբոյում տեղի ունեցավ կականց 57 կգ քաշայինների հաղթողի եւ մեդալակիրների պարգեւատրումը: Ալեքսանդրա Գրիգորյանը պարգեւատրվեց հրում վարժության բրոնզե մեդալով եւ չկարողացավ զսպել հիասթափության արցունքները: Ալեքսանդրա Գրիգորյանին պարգեւատրեց ՀԾՖ նախագահ Արայիկ Հարությունյանը:
Ծանրամարտի աշխարհի առաջնությունն առաջին վարկանիշային մրցաշարն է Լոս Անջելես-2028-ի Օլիմպիական խաղերի համար:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.