Ծանրամարտի ԱԱ. Մրցահարթակ դուրս կգա Ալեքսանդրա Գրիգորյանը
11:17 30 հոկտեմբերի, 2026Չինաստանի Նինբո քաղաքում անցկացվող ծանրամարտի աշխարհի առաջնությունը այսօր Հայաստանն ունի մեկ ներկայացուցիչ: Կանանց պայքարում մրցահարթակ դուրս կգա աշխարհի առաջնության բրոնզե մեդալակիր, Եվրոպայի չեմպիոն Ալեքսանդրա Գրիգորյանը:
Այս քաշային կարգում մեդալի համար կպայքարի 12 մարզուհի: Ալեքսանրդա Գրիգորյանի նախնական հայտը 215 կգ է:
57 կգ քաշային կարգի А խմբի պայքարը կմեկնարկի Երեւանի ժամանակով 12:00-ին:
2024 թ. Բուլղարիայի մայրաքաղաք Սոֆիայում անցկացված ծանրամարտի Եվրոպայի առաջնությունում Ալեքսանդրա Գրիգորյանը նվաճեց չեմպիոնի կոչումը: Երկամարտում հայ ծանրորդը գրանցեց 196 կգ արդյունք (81+115):
2024 թ. Բահրեյնի մայրաքաղաք Մանամայում անցկացված աշխարհի առաջնությունում 55 կգ քաշայինների պայքարում Ալեքսանդրա Գրիգորյանը երկամարտի 205 կգ արդյունքով նվաճեց բրոնզե մեդալ։ Պոկում վարժությունում նա 85կգ-ով գրավեց 12-րդ տեղը, հրում վարժությունում բարձրացրեց 120 կգ՝ նվաճելով նաեւ փոքր արծաթե մեդալ։ 2024 թվականին ճանաչվեց Եվրոպայի լավագույն երիտասարդ ծանրորդ:
2025 թ. ապրիլին Ալբանիայի Դուրես քաղաքում անցկացված Եվրոպայի երիտասարդների եւ մինչև 23 տարեկանների առաջնություններում նաճեց տիտղոսը՝ 214 կգ (91+123):
Մեկ ամիս անց Պերուի մայրաքաղաք Լիմայում դարձավ երիտասարդների աշխարհի առաջնության բրոնզե մեդալակիր՝ 204 կգ (88+116):
2025 թ. Եվրոպայի առաջնությունում Քիշնեւում Ալեքսանդրա Գրիգորյանը արծաթե մեդալ նվաճեց: 20-ամյա գյումրեցի ծանրորդը կանանց 55 կգ քաշայինների պայքարում երկամարտում գրանցեց 202 կգ արդյունք (85+117):
2026 թ. ապրիլին Բաթումիում անցկացված Եվրոպայի առաջնությունում Ալեքսանդրա Գրիգորյանը երկամարտի 210 կգ արդյունքում նվաճեց արծաթե մեդալ (91+119):
Հոկտեմբերին Ալբանիայում անցկացված Մ23 տարեկանների Եվրոպայի առաջնությունում հռչակվեց չեմպիոն՝ երկամարտում գրանցելով 202 կգ արդյունք:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.