ԱԱ. Մեկնարկում են ազատ ոճայինները, մրցագորգ դուրս կգա Վազգեն Թեւանյանը

Ղազախստանի մայրաքաղաք Աստանայում այսօր մեկնարկում է ազատ ոճի ըմբշամարտի աշխարհի առաջնությունը, որին Հայաստանը մասնակցում է 6 ըմբիշով՝ Մանվել Խնձրցյան (57 կգ), Արսեն Հարությունյան (61 կգ), Վազգեն Թեւանյան (65 կգ), Արման Անդրեասյան (70 կգ), Նարեկ Հարությունյան (74 կգ) եւ Հրայր Ալիխանյան (79 կգ):

Առաջին մրցումային օրը Հայաստանն ունի մեկ մասնակից: Մրցագորգ դուրս կգա աշխարհի բրոնզե մեդալակիր, Եվրոպայի չեմպիոն Վազգեն Թեւանյանը:

Որակավորման փուլում Թեւանյանի մրցակիցը կլինի մոնղոլ Զենեմեդեր Բյամբասուրեն:

Եվրոպայի առաջնության բրոնզե մեդալակիր Մանվել Խնձրցյանը (57 կգ) պայքարը կսկսի 1/16 եզրափակիչից: Մրցակիցը որակավորման փուլի Մինյոկ Յուն (Կորեա) – Քինկան Կսյե (Չինաստան) զույգի հաղթողն է: Խնձրցյանը մրցագորգ դուրս կգա հոկտեմբերի 31-ին:

Աշխարհի քառակի բրոնզե մեդալակիր, Եվրոպայի քառակի չեմպիոն Արսեն Հարությունյանը (61կգ) կմեկնարկի որակավորման փուլից, որտեղ մրցակիցը կլինի մեքսիկացի Դերեկ Գարսիա Գվանաժվատոյի հետ: Արսեն Հարությունյանը մրցագորգ դուրս կգա հոկտեմբերի 30-ին:

Եվրոպայի չեմպիոն, աշխարհի բրոնզե մեդալակիր Արման Անդրեասյանը (70 կգ) պայքարը կսկսի 1/8 եզրափակիչից, որտեղ կհանդիպի որակավորման փուլի Ֆերհաթ Կիլիչ (Թուրքիա) - Վիշալ Կալիրամանա (Հնդկաստան) զույգի հաղթողին: Արման Անդրեասյանը կգոտեմարտի հոկտեմբերի 30-ին:

Եվրոպայի Մ-23 առաջնության արծաթե մեդալակիր Նարեկ Հարությունյանը (74 կգ) մեկնարկային գոտեմարտում ուժերը կչափի Ռուսաստանը ներկայացնող Ինալբեկ Շերիեւի հետ: Հարությունյանի մրցագորգ դուրս կգա հոկտեմբերի 31-ին:

79 կգ քաշային Հրայր Ալիխանյանը որակավորման փուլում կմրցի Ռուսաստանը ներկայացնող Իսմայիլ Խանիեւի հետ:

Ալիխանյանը պայքարը կսկսի հոկտեմբերի 31-ին: