ԱԱ. Սլավիկ Գալստյանը, Կարեն Ասլանյանը եւ Գեւորգ Թադեւոսյանը քառորդ եզրափակիչում են
12:46 26 հոկտեմբերի, 2026Ղազախստանի մայրաքաղաք Աստանում ընթացող հունահռոմեական ոճի ըմբշամարտի աշխարհի առաջնությունում Կարեն Ասլանյանը (63 կգ), Սլավիկ Գալստյանը (67 կգ) եւ Գեւորգ Թադեւոսյանը դուրս են եկել քառորդ եզրափակիչ:
Եվրոպայի փոխչեմպիոն, 2024 թ. աշխարհի առաջնության բրոնզե մեդալակիր, Տոկիոյի Օլիմպիական խաղերի մասնակից Կարեն Ասլանյանը (63 կգ) որակավորման փուլում 10:0 հաշվով ժամանակից շուտ հաղթեց մոլդովացի Կոռնելիու Ռուսուին:
1/8 եզրափակիչում աշխարհի առաջնության բրոնզե մեդալակիրը 8:0 հաշվով ժամանակից շուտ պարտության մատնեց Ղրղսզտանը ներկայացնող Աֆթանդիլ Տալայբեկ Ուուլուին:
Աշխարհի եւ Եվրոպայի բրոնզե մեդալակիր Սլավիկ Գալստյանը (67 կգ) մեկնարկային գոտեմարտում 5:1 հաղթեց Ֆրանսիան ներկայացնող հայազգի Գագիկ Սնջոյանին:
1/8 եզրափակիչում աշխարհի առաջնության բրոնզե մեդալակիրը 10:0 հաշվով առավելության հասավ մոլդովացի Վալենտին Պետիչի նկատմամբ:
Քառորդ եզրափակիչում Սլավիկ Գալստյանի մրցակիցը կլինի նորվեգացի Հավարդ Ջորգենսենը:
87 կգ քաշային Գեւորգ Թադեւոսյանը մեկնարկում 6:3 հաշվով ծայրահեղ բարդ գոտեմարտում հաղթեց Ռուսաստանի ներկայացուցիչ Միլադ Ալիրզաևին:
1/8 եզրափակիչում Թադեւոսյանը 4:1 հաշվով պարտության մատնեց Նուրսուլթան Տուրսինովին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.