Հայաստանի թաեքվոնդոյի ֆեդերացիայի թիմն Իրանում նվաճել է երկու մեդալ

18:55   27 դեկտեմբերի, 2012

Հայաստանի թաեքվոնդոյի ֆեդերացիայի հավաքականը մասնակցել է Իրանի մայրաքաղաք Թեհրանում կայացած «Արեւածագի 10 օր» միջազգային A կարգի մրցաշարին, որին մասնակցել է 13 երկիր` 19 թիմով:

Հայաստանը ներկայացրել է ութ մարզիկ: 63 կգ քաշային Հայկազ Սամվելյանը եւ 68 կգ քաշային Սերգեյ Վարդազարյանը նվաճել են բրոնզե մեդալներ, որի արդյունքում Հայաստանի հավաքականը թիմային հաշվարկում գրավել է 3-րդ տեղը:

Իրանի թաեքվոնդոյի ֆեդերացիայի հետ բանակցությունների արդյունքում հայ մարզիկներից 4-ը կմարզվեն Իրանի առաջատար ակումբներում, որից հետո անցնելով ընտրական փուլը` կմասնակցեն Թաեքվոնդոյի Լիգայի մրցաշարին:

Ֆեդերացիաների միջեւ պայմանավորվածություն է ձեռք բերվել` շարունակել ավանդույթ դարձած համագործակցությունը` համատեղ այցելություններ եւ ուսումնամարզական հավաքներ կազմակերպելու նպատակով:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։