Ֆերնանդեշը քննադատել է «Մանչեսթեր Յունայթեդի» մարզչական շտաբին «Կոմոյից» կրած 1:4 պարտությունից հետո
16:09 22 հոկտեմբերի, 2026Անգլիական «Մանչեսթեր Յունայթեդի» ավագ, պորտուգալացի կիսապաշտպան Բրունու Ֆերնանդեշը քննադատել է թիմի մարզչական շտաբին Չեմպիոնների լիգայի երրորդ տուրում «Կոմոյից» կրած 1:4 հաշվով պարտությունից հետո։
Ֆերնանդեշը դժգոհել է, որ թիմի գլխավոր մարզիչ Մայքլ Քերիկն ընտրել է ավելի շատ պաշտպանողական մարտավարություն։
«Մարզչական շտաբի որոշումն էր անհատական պրեսինգի չդիմելը, թիկունքում երբեմն ազատ գոտիներ թողնելը, մրցակցին սպասելը՝ գնդակ խլելու հույսով։ Բայց երբ այդպիսի թիմի այդքան ազատ տարածություն ես թողնում, նրանք անմիջապես վստահություն են զգում եւ նետվում են առաջ։
Մարզիչների իրավասությունն է մարտավարական հարցերը, բայց երբեմն ճնշման տակ թիմը պետք է ավելի համարձակ խաղա, գնա գիտակցված ռիսկի, մրցակցի կիսադաշտում դիմի պրեսինգի»,- Ֆերնանդեշի խոսքը մեջբերում է TNT Sports-ը։
Չեմպիոնների լիգայի երեք տուրից հետո «Մանչեսթեր Յունայթեդը» երեք միավորով 21-րդ տեղում է։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.