ԱԱ․ Արթուր Դավթյանը, Արթուր Ավետիսյանը, Համլետ Մանուկյանն ու Մամիկոն Խաչատրյանը եզրափակիչում են (տեսանյութ)
16:35 18 հոկտեմբերի, 2026Հայաստանի բոլոր ներկայացուցիչները դուրս է եկել Նիդերլանդների Ռոտերդամ քաղաքում անցկացվող սպորտային մարմնամարզության աշխարհի առաջնության եզրափակիչ։
Արթուր Դավթյանը, Արթուր Ավետիսյանը, Համլետ Մանուկյանը եւ Մամիկոն Խաչատրյանը կշարունակեն պայքարը մեդալների համար։
Օլիմպիական փոխչեմպիոն եւ բրոնզե մեդալակիր, աշխարհի չեմպիոն, Եվրոպայի եռակի չեմպիոն, աշխարհի քառակի գավաթակիչ Արթուր Դավթյանը հենացատկի վարժության որակավորման փուլում երկու ցատկերի հանրագումարում վաստակել էր 14.633 միավոր:
Նա որակավորման փուլում երկրորդն է։
Եվրոպայի չեմպիոն Արթուր Ավետիսյանը օղակների վարժության եզրափակիչ է դուրս եկել 4-րդ տեղից: Որակավորման փուլում նա վաստակել էր 14.233 միավոր:
Եվրոպայի չեմպիոն Համլետ Մանուկյանը նժույգ թափեր վարժության եզրափակիչ է դուրս եկել առաջին տեղից: Որակավորման փուլում նա վաստակել էր 14.933 միավոր: Նույն վարժությունում Հայաստանի երկրորդ ներկայացուցիչ, աշխարհի եւ Եվրոպայի փոխչեմպիոն Մամիկոն Խաչատրյանը 4-րդն է որակավորման փուլում (14.733 միավոր):
Եզրափակիչները տեղի կունենան հոկեմբերի 24-25-ին:
Արթուր Ավետիսյանի, Համլետ Մանուկյանի եւ Մամիկոն Խաչատրյանի մասնակցությամբ օղակների եւ նժույգ թափերի վարժությունների եզրափակիչները կանցկացվեն հոկտեմբերի 24-ին: Օլիմպիական փոխչեմպիոն Արթուր Դավթյանը աշխարհի չեմպիոնի տիտղոսը երկրորդ անգամ կփորձի նվաճել հոկտեմբերի 25-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.