«Ինտերը» պարտության մատնեց «Բոլոնիային» եւ առաջատարն է
21:57 17 հոկտեմբերի, 2026Ֆուտբոլի Իտալիայի Ա Սերիայի առաջնության 7-րդ տուրում չեմպիոն եւ գավաթակիր «Ինտերը» արտագնա խաղում մրցեց «Բոլոնիայի» հետ եւ հաղթեց 3:1 հաշվով:
Միլանյան թիմի ռումինացի գլխավոր մարզիչ Կրիստիան Կիվուի կազմում 44-րդ րոպեին աչքի ընկավ ֆրանսիացի հարձակվող Մարկուս Տյուրամը: 69-րդ րոպեին բրազիլացի պաշտպան Կարլոս Աուգուստոն կրկնապատկեց «Ինտերի» հաշիվը, որին փոխանցում կատարեց լեհ կիսապաշտպան Պյոտր Զելինսկին:
83-րդ րոպեին Կոտ դ’Իվուարը ներկայացնող 22-ամյա հարձակվող Անժ Իոան Բոնին խփեց «Ինտերի» երրորդ գոլը:
«Բոլոնիայի» կազմում 10-րդ րոպեին աչքի ընկավ իտալացի կիսապաշտպան Տոմազո Պոբեգան:
Հայաստանի հավաքականի նախկին ավագ, 37-ամյա կիսապաշտպան Հենրիխ Մխիթարյանը փոխարինման դուրս եկավ 80-րդ րոպեին:
«Ինտերը» 19 միավորով առաջատարն է, «Բոլոնյան» 14-րդն է՝ 5 միավոր:
Իտալիայի առաջնություն, 7-րդ տուր
«Բոլոնիա» - «Ինտեր»՝ 1:3 (տեսանյութ)
Տոմազո Պոբեգա, 10 - Մարկուս Տյուրամ, 44, Կարլոս Աուգուստո, 69, Անժ Իոան Բոնի, 83
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.