Արաս Օզբիլիսը՝ «Կուբանի» լավագույն ֆուտբոլիստ
13:50 27 դեկտեմբերի, 2012Հայաստանի ազգային հավաքականի կիսապաշտպան Արաս Օզբիլիսը «Կուբանի» պաշտոնական կայքում անցկացված հարցման արդյունքում ճանաչվել է կրասնոդարյան ակումբի՝ աշնանային հատվածի լավագույն ֆուտբոլիստ:
Հարցմանը մասնակցած 2826 երկրպագուների 54 տոկոսն իրենց ձայնը տվել են 22-ամյա Օզբիլիսին: Երկրորդ տեղը զբաղեցրել է Ռուսաստանի երկրորդ հավաքականի դարպասապահ Ալեքսանդր Բելենովը, ով արժանացել է ձայների 29.7 տոկոսին: Անխել Դեալբերտը եզրափակել է լավագույն եռյակը՝ 4 տոկոս։ Ալեքսեյ Իոնովը ստացել է 2.8 տոկոս ձայներ, Իբրահիմ Բալդեն ու Վլադիսլավ Կուլիկը՝ 2.7-ական, իսկ Ալեքսեյ Կոզլովը՝ 1.8: Երկրպագուների 2.3 տոկոսն ընտրել է իր տարբերակը:
Հիշեցնենք, որ Օզբիլիսը 2012-ին Ամստերդամի «Այաքսից» է տեղափոխվել «Կուբան»։ Ռուսաստանի ընթացիկ առաջնությունում նա մասնակցել է 15 խաղի, խփել է 7 գնդակ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.