«Արարատ-Արմենիան» նախախաղային մարզում անցկացրեց «Չորտեն Արենայում» (ֆոտո, վիդեո)
22:19 14 հոկտեմբերի, 2026Ֆուտբոլի Հայաստանի չեմպիոն «Արարատ-Արմենիան» նախախաղային մարզում անցկացրեց Լեհաստանի Բելոստոկ քաղաքի «Չորտեն Արենայում»:
Ֆուտբոլի Եվրոպայի լիգայի հիմնական փուլի երկրորդ տուրի հանդիպումից առաջ Հայաստանի չեմպիոն «Արարատ-Արմենիայի» պորտուգալացի գլխավոր մարզիչ Մանուել Տուլիպան եւ քենիացի կիսապաշտպան Ալվին Թերան Լեհաստանի Բելոստոկ քաղաքում տեղի ունեցող նախախաղային ասուլիսում պատասխանում են լրագրողների հարցերին։
NEWS.am Sport-ը ներկայացնում է ուղիղ հեռարձակում լեհական «Յագելոնիայի» տնային մարզադաշտից։
Եվրոպայի լիգայի հիմնական փուլի երկրորդ տուրում Հայաստանի չեմպիոն «Արարատ-Արմենիան» կմրցի «Յագելոնիային»։ Հանդիպումը տեղի կունենա հոկտեմբերի 15-ին եւ կմեկնարկի Երեւանի ժամանակով 23։00-ին։
Հիշեցնենք, որ Եվրոպայի լիգայի հիմնական փուլի առաջին տուրի «Սպարտա Պրահայի» դեմ խաղում Երեւանի Վազգեն Սարգսյանի անվան «Հանրապետական» ստադիոնում «Արարատ-Արմենիան» պարտվել էր 1:4 հաշվով։
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.