Ալվին Թերա. Ամեն ինչ անելու ենք, որ հաղթենք
22:05 14 հոկտեմբերի, 2026Բավականին ուժեղ թիմ է «Յագելոնիան»: Երկու թիմերն էլ ամեն ինչ անելու են մրցաշարում առաջին հաղթանակը տանելու համար:
Այս մասին լեհական Բելոստոկում տեղի ունեցած նախախաղային ասուլիսում ասաց ասաց Հայաստանի չեմպիոն «Արարատ-Արմենիայի» քենիացի կիսապաշտպան Ալվին Թերան:
Եվրոպայի լիգայի հիմնական փուլի երկրորդ տուրում Հայաստանի չեմպիոն «Արարատ-Արմենիան» վաղը կմրցի լեհական «Յագելոնիայի» հետ։
«Հրաշալի զգացողություն է, որ այստեղ ենք: Երկար պայքարել ենք այստեղ հասնելու համար եւ գիտակցում ենք, որ դեռ ոչինչ չենք արել ու շարժվում ենք առաջ:
Բավականին ուժեղ թիմ է վաղվա մեր մրցակիցը: Երկու թիմերն էլ ամեն ինչ անելու են մրցաշարում առաջին հաղթանակը տանելու համար: Չեմ կարող ասել, որ վաղվա դիմակայությունը ճակատագրական է լինելու մեզ համար: Մրցակիցը տանն է խաղալու եւ դա նրանց որոշակի առավելություն կտա, բայց դա մեզ չի ճնշում եւ ամեն ինչ անելու ենք, որ հաղթենք»,- ասաց Ալվին Թերան:
«Յագելոնիա» - «Արարատ-Արմենիա» հանդիպումը տեղի կունենա հոկտեմբերի 15-ին եւ կմեկնարկի Երեւանի ժամանակով 23։00-ին։
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.