«Մանչեսթեր Սիթին» կհեռացվի Պրեմիեր լիգայից
16:02 6 հոկտեմբերի, 2026Անգլիական Պրեմիեր լիգայի ակումբները հաստատակամ են թույլ չտալու «Մանչեսթեր Սիթիի» պատիժը սահմանափակել միավորների հանումով՝ 9 տարի անընդմեջ 114 կետերով ֆինանսական խախտումերի համար։
Ակումբների ղեկավարները Պրեմիեր լիգային կպարտադրեն, որ «Մանչեսթեր Սիթին» առնվազն հաջորդ մրցաշրջանում չմասնակցի Պրեմիեր լիգայի առաջնությանը, հաղորդում է Sky Sports-ը։
Ակումբներն անհանգստացած են նաեւ իմիջային կորստով, որը հասցվում է Պրեմիեր լիգային «Մանչեսթեր Սիթիի» ղեկավարության դիրքորոշմամբ։ Մանչեսթերյան ակումբը չի ընդունում մեղադրանքները եւ մտադիր է բողոքարկումով արդարացման հասնել։
Անկախ հանձնաժողովը պարզել էր, որ 2009/2010-2017/2018 մրցաշրջաններ ժամանակահատվածում՝
- «Մանչեսթեր Սիթին» «ֆիկտիվ» պայմանագրեր է կնքել (որոնք խեղաթյուրել են կողմերի միջև իրական համաձայնագիրը) իր մի շարք առևտրային գործընկերների հետ, ինչպես նաև ապավինել է ուրիշների հետ կնքված «ֆիկտիվ» պայմանագրերին՝ ակումբի եկամուտները արհեստականորեն մեծացնելու և ծախսերը կրճատելու համար։
- Ակումբը ներկայացրել է կեղծ ֆինանսական հաշվետվություններ և թաքցրել է իր ֆինանսների իրական վիճակը աուդիտորներից և ֆուտբոլային կարգավորող մարմիններից:
- «Մանչեսթեր Սիթին» զգալիորեն գերազանցել է ինչպես Պրեմիեր լիգայի, այնպես էլ ՈՒԵՖԱ-ի ծախսերի սահմանաչափերը:
- Պրեմիեր լիգայի հետաքննության ընթացքում «Մանչեսթեր Սիթին» բազմիցս խախտել է լիգայի նկատմամբ իր՝ համագործակցության և բարեխղճության պարտականությունները (չորս ենթադրյալ խախտումներից երեքը ապացուցվել են)։
Պատժամիջոցների հարցը կքննարկվի առանձին՝ հետագա լսումների ժամանակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.