Ժորժե Ժեզուշ․ Չէի սպասում, որ կհաղթենք առաջին 4 խաղում եւ այսքան շուտ դուրս կգանք փլեյ-օֆֆ
15:03 5 հոկտեմբերի, 2026Ֆուտբոլի Պորտուգալիայի հավաքականի գլխավոր մարզիչ Ժորժե Ժեզուշը մեկնաբանել է 2:1 հաշվով հաղթանակը Նորվեգիայի նկատմամբ Ազգերի լիգայի խմբային փուլի չորրորդ տուրում եւ քառորդ եզրափակիչի ուղեգիր նվաճելը։ Պորտուգալիան հաղթել է չորս հանդիպումներում էլ։
«Արդյունքն ամեն ինչ ասում է։ Ինչ նախատեսել էինք, աշխատեց։ Նորվեգիայի հավաքականում է աշխարհի լավագույն հարձակվողը՝ Հոլանդը, Էդեգորը աշխարհի լավագույն կիսապաշտպաններից է, թիմը շատ հզոր է, ֆուտբոլիստները բարձրահասակ են, ֆիզիկապես շատ ուժեղ են։ Այդպիսի հավաքականի հնարավոր է հաղթել միայն շատ բարձր տեխնիկական պատրաստության շնորհիվ։
Ես շատ հավատում էի մեր թիմին, բայց չէի սպասում, որ կհաղթենք առաջին 4 խաղում եւ այսքան շուտ դուրս կգանք հաջորդ փուլ»,- Ժորժե Ժեզուշի խոսքը մեջբերում է ՈՒԵՖԱ-ի կայքը։
A4 խմբում Պորտուգալիան 12 միավորով առաջինն է, Դանիան 6 միավորով երկրորդ տեղում է, որը նույնպես տալիս է քառորդ եզրափակիչի ուղեգիր։ Ուելսն ու Նորվեգիան ունեն 3-ական միավոր։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.