Ազգերի լիգա․ Հայաստանի հավաքականը պարտվեց Կիպրոսին՝ 0:2 (տեսանյութ)
21:53 2 հոկտեմբերի, 2026Ֆուտբոլի Ազգերի լիգայի C2 խմբի երրորդ տուրում Հայաստանի հավաքականը Նիկոսիայում հյուրընկալվեց Կիպրոսի հավաքականին։ Եղիշե Մելիքյանի գլխավորած թիմը պարտվեց 0:2 հաշվով։
19-րդ րոպեին հանդիպման հաշիվը բացեց Կիպրոսի «Ապոլոնի» 25-ամյա պաշտպան Լեոնիդաս Կոնոմիսը (տեսանյութ)։
31-րդ րոպեին դաշտի տերերի առավելությունը կրկնապատկեց Կիպրոսի «Օմոնիայի» 25-ամյա հարձակվող Անդրոնիկոս Կակուլիսը (տեսանյութ)։
52-րդ րոպեին հեռացվեց Կիպրոսի հավաքականի եւ «ԱԵԿ Լառնակայի» 27-ամյա պաշտպան Կոստաս Պիլեասը, որը կանգնեց Հայաստանի հավաքականի եւ Մոսկվայի ԲԿՄԱ-ի 21-ամյա կիսապաշտպան Արտյոմ Բանդիկյանի ոտնաթաթին (տեսանյութ)։ Բանդիկյանին փոխարինեց Երեւանի «Ալաշկերտի» 28-ամյա պաշտպան Դավիթ Տերտերյանը։
Թվային առավելությունը գոլի վերածել հայ ֆուտբոլիստներին չհաջողվեց։
Խմբի մյուս խաղում Չեռնոգորիան Ռիգայում 2:1 հաշվով հաղթեց (տեսանյութ) Լատվիային եւ խմբի առաջատարն է՝ 9 միավոր։ Կիպրոսը 4 միավորով բարձրացավ երկրորդ տեղ, որը տալիս է B լիգայի ուղեգրի համար անցումային փլեյ-օֆֆի ուղեգիր։
Հայաստանի թիմը 3 միավորով երրորդն է։
Հոկտեմբերի 5-ին Հայաստանի հավաքականը չորրորդ տուրում կհյուրընկալվի Չեռնոգորիային, որը Երեւանում հաղթել էր 3:2 հաշվով։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.