Կառլեն Հովհաննիսյան. 8 օրվա մեջ 3 հանդիպումը բարդ է, բայց հավաքականը պատրաստ է
19:03 1 հոկտեմբերի, 2026Ֆուտբոլի Հայաստանի ազգային հավաքականի եւ ռուսական «Ակրոնի» կիսապաշտպան Կառլեն Հովհաննիսյանը Կիպրոսի դեմ Ազգերի լիգայի երրորդ տուրի հանդիպման նախօրեին տեղի ունեցած նախախաղային ասուլիսում պատմել է թիմի վիճակի մասին։
«8 օրվա մեջ 3 հանդիպումը բարդ է, բայց հավաքականը պատրաստ է, միանշանակ գնալու ենք հաղթանակի, ֆիզիկապես պատրաստ ենք։
Բոլոր ֆուտբոլիստներն էլ շատ կարեւոր են հավաքականի համար, բոլորի բացակայությունն էլ զգում ենք, բայց բոլորին էլ կարող ենք փոխարինել եւ աշխատել այդ ուղղությամբ։
Չեռնոգորիայից կրած պարտությունից հետո տրամադրվածությունը միայն մարտական է, թիմը պատրաստ է, շատ լավ ֆուտբոլիստներ են հավաքված եւ շատ լավ թիմ է։ Զգում եմ, որ շատ լավ ապագա ունի այս թիմը»,- ասել է Կառլեն Հովհաննիսյանը։
Ազգերի լիգայի առաջին տուրում Հայաստանի թիմը 2։0 հաշվով հաղթել էր Լատվիային, երկրորդ տուրում 2։3 հաշվով պարտվել էր Չեռնոգորիային։ Երրորդ տուրի Կիպրոս - Հայաստան հանդիպումը տեղի կունենա հոկտեմբերի 2-ին Նիկոսիայում եւ կմեկնարկի Երեւանի ժամանակով 20։00-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.