«Մանչեսթեր Սիթիի» ղեկավարներին սպառնում է ազատազրկում
10:33 1 հոկտեմբերի, 2026Անգլիական «Մանչեսթեր Սիթիի» ղեկավարներին սպառնում է մինչեւ 10 տարվա ազատազրկում ֆինանսական զեղծարարության համար, հաղորդում է The Sun-ը։
Անգլիական Պրեմիեր լիգայի անկախ հանձնաժողովը «Մանչեսթեր Սիթիին» մեղավոր է ճանաչել 2009/2010 - 2017/2018 թվականների 9 մրցաշրջանների ընթացքում ֆինանսական կանոնները խախտելու մեջ։ Ակումբին սպառնում է հեռացում Պրեմիեր լիգայից։
Հանձնաժողովի հետաքննության արդյունքները կարող են հետաքրքրել նաեւ իրավապահ եւ հարկային մարմիններին։ Եթե հարուցվի քրեական հետապնդում, ակումբի ղեկավարությանը կներկայացվի մեքենայության վերաբերյալ մեղադրանք, որի համար նախատեսված է մինչեւ 10 տարվա ազատազրկում։
«Մանչեսթեր Սիթին» կարող է անկախ հանձնաժողովի եզրակացությունները բողոքարկել մինչեւ հոկտեմբերի 2-ը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.