Ռոնալդուն լքել է Պորտուգալիայի հավաքականը
22:03 30 սեպտեմբերի, 2026Սաուդյան «Ալ Նասրի» 41-ամյա հարձակվող, Պորտուգալիայի հավաքականի ավագ Կրիշտիանու Ռոնալդուն Դանիայի մայրաքաղաք Կոպենհագենից մեկնել է Մադրիդ, որտեղից մասնավոր ինքնաթիռով կվերադառնա Սաուդյան Արաբիա, հաղորդում է Marca-ն։
Պորտուգալիայի հավաքականի գլխավոր մարզիչ Ժորժե Ժեզուշն ասուլիսում ակնարկել էր, որ Ազգերի լիգայի առաջիկա երկու հանդիպումներում էլ Ռոնալդուն չի լինի մեկնարկային կազմում։ Դրանից հետո Ռոնալդուն լքել էր հավաքականի մարզումը Կոպենհագենում։
Ազգերի լիգայի ընթացիկ մրցաշրջանում Ռոնալդուն մասնակցել է Ուելսի դեմ առաջին տուրի հանդիպմանը՝ խաղադաշտում անցկացնելով 67 րոպե եւ աչքի չընկնելով արդյունավետ գործողություններով։ Պորտուգալիան Ուելսին հաղթել էր 1:0 հաշվով։
Երկրորդ տուրում Պորտուգալիան 2:1 հաշվով հաղթել էր Նորվեգիային, Ռոնալդուն մնացել էր պահեստայինների թվում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.