Պաշտոնական․ «Մանչեսթեր Սիթին» մեղավոր է ճանաչել Պրեմիեր լիգայի ֆինանսական կանոնները խախտելու մեջ
20:36 29 սեպտեմբերի, 2026Անգլիական Պրեմիեր լիգան պաշտոնապես հաստատել է, որ անկախ հանձնաժողովը «Մանչեսթեր Սիթիին» մեղավոր է ճանաչել Պրեմիեր լիգայի ֆինանսական կանոնները խախտելու մեջ։
«Անկախ հանձնաժողովը «Մանչեսթեր Սիթի» ֆուտբոլային ակումբին մեղավոր է ճանաչել 9 մրցաշրջանների ընթացքում Պրեմիեր լիգայի ֆինանսական կանոնների լուրջ խախտումների հետ կապված բոլոր մեղադրանքներով, ինչպես նաև լիգայի հետաքննության հետ ակումբի չհամագործակցելու հետ կապված մեղադրանքների մեծ մասում։
Անկախ հանձնաժողովը պարզել է, որ 2009/2010-2017/2018 մրցաշրջաններ ժամանակահատվածում՝
- «Մանչեսթեր Սիթին» «ֆիկտիվ» պայմանագրեր է կնքել (որոնք խեղաթյուրել են կողմերի միջև իրական համաձայնագիրը) իր մի շարք առևտրային գործընկերների հետ, ինչպես նաև ապավինել է ուրիշների հետ կնքված «ֆիկտիվ» պայմանագրերին՝ ակումբի եկամուտները արհեստականորեն մեծացնելու և ծախսերը կրճատելու համար։
- Ակումբը ներկայացրել է կեղծ ֆինանսական հաշվետվություններ և թաքցրել է իր ֆինանսների իրական վիճակը աուդիտորներից և ֆուտբոլային կարգավորող մարմիններից:
- «Մանչեսթեր Սիթին» զգալիորեն գերազանցել է ինչպես Պրեմիեր լիգայի, այնպես էլ ՈՒԵՖԱ-ի ծախսերի սահմանաչափերը:
- Պրեմիեր լիգայի հետաքննության ընթացքում «Մանչեսթեր Սիթին» բազմիցս խախտել է լիգայի նկատմամբ իր՝ համագործակցության և բարեխղճության պարտականությունները (չորս ենթադրյալ խախտումներից երեքը ապացուցվել են)»,- ասվում է հայտարարության մեջ։
Պատժամիջոցների հարցը կքննարկվի առանձին՝ հետագա լսումների ժամանակ: «Մանչեսթեր Սիթին» իրավունք ունի բողոքարկել անկախ հանձնաժողովի եզրակացությունները և պետք է դա անի մինչև հոկտեմբերի 2-ը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.