Պորտուգալիայի թիմի մարզիչը՝ Ռոնալդուին խաղաժամանակ չտրամադրելու մասին
12:37 29 սեպտեմբերի, 2026Ֆուտբոլի Պորտուգալիայի ազգային հավաքականի գլխավոր մարզիչ Ժորժե Ժեզուշը պատմել է, թե ինչու սաուդյան «Ալ Նասրի» 41-ամյա հարձակվող Կրիշտիանու Ռոնալդուին խաղաժամանակ չի տրամադրել Նորվեգիայի դեմ Ազգերի լիգայի երկրորդ տուրի խաղում։ Պորտուգալացիները հաղթել էին 2:1 հաշվով։
«Մտածում էի նրան կես ժամով դուրս բերել խաղադաշտ։ Ես նույնիսկ այդպիսի պայմանավորվածություն ունեի Ռոնալդուի հետ, բայց խաղի ընթացքը թելադրեց իր պայմանները։ Ես որոշեցի, որ ամենահարմար պահը չէ նրան մարտի նետելու համար։ Ռամուշը լավ էր խաղում, գոլ խփեց, եւ ես որոշեցի, որ Ռամուշին փոխարինելու պահը չէ։ Ժամանակը գնում էր եւ վերջում արդեն պետք էր ապահովել հավասարակշռություն եւ պահել հաշիվը։
Առջեւում դեռ երկու հանդիպում կա։ Հնարավոր է՝ Դանիայի դեմ Ռոնալդուն կխաղա»,- Ժեզուշի խոսքը մեջբերում է A Bola-ն։
Պորտուգալիան Դանիայի հավաքականին կհյուրընկալվի հոկտեմբերի 1-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.