Օլիմպիական չեմպիոն Դավիթ Չակվեթաձե․ Մեծ պատիվ է Փարամազյանի անվան մրցաշարին ներկա լինելը (տեսանյութ)
19:47 24 սեպտեմբերի, 20262016թ․ Օլիմպիական խաղերի չեմպիոն, ռուսաստանցի Դավիթ Չակվեթաձեն Քաջարան համայնքի ղեկավար Մանվել Փարամազյանի անվան հունահռոմեական ոճի ըմբշամարտի միջազգային մրցաշարի պատվավոր հյուրերից է։ NEWS.am-ի թղթակցի հետ զրույցում նա խոսել է այպիսի մրցաշարերի կարեւորության մասին։
«Ցանկանում եմ շնորհակալություն հայտնել՝ այս մրցաշարին ինձ հրավիրելու համար։ Մեծ պատիվ է ներկա լինել այստեղ։ Այսպիսի մրցաշարերի անցկացումը զարգացնում է մեր մարզաձեւը։
Օլիմպիական չեմպիոն Արթուր Ալեքսանյանի հետ ծանոթ եմ, ցանկանում եմ ողջունել նրան, հրաշալի մարդ է։
Ըմբշամարտը զարգանում է Հայաստանում, այլ երկրներում։ Ինչքան մեծ լինի մրցակցությունը, այդքան ուժեղ կլինի մեր մարզաձեւը։
Ես արդեն ավարտել եմ մարզական կարիերաս, բայց վստահ եմ, որ իմ տեղը կզբաղեցնեն ավելի ուժեղ տղաներ եւ ավելի շատ մեդալներ կնվաճեն։
Մեծ աշխատանք է մարզչական գործը, առայժմ չեմ նախատեսում այդ ուղղությամբ գնալ։
Ամեն երեխայի, երիտասարդ ըմբիշի համար կարեւոր է այսպիսի մրցաշարի մասնակցելը փորձ հավաքելու եւ Եվրոպայի, աշխարհի առաջնություններին, Օլիմպիական խաղերին պատրաստվելու համար։ Այսպիսի մրցաշարերը հիմքն են ամեն երիտասարդ ըմբիշի ուժեղանալու համար»,- ասել է Դավիթ Չակվեթաձեն։
Մրցաշարին մասնակցում են պատանի ըմբիշներ 11 երկրներից` Հայաստան, Վրաստան, Իրան, Քաթար, Շվեդիա, Հունաստան, Գերմանիա, Ղրղզստան, Ուզբեկստան, Լիտվա, Ռուսաստան։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.