Շախմատային օլիմպիադա․ Հայաստանի թիմերի մրցակիցները 8-րդ խաղափուլում
09:07 24 սեպտեմբերի, 2026Ուզբեկստանի Սամարղանդ քաղաքում անցկացվող Համաշխարհային շախմատային օլիմպիադայում սեպտեմբերի 24-ին տեղի կունենան 8-րդ խաղափուլի պարտիաները։
Հայաստանի հավաքականը կմրցի Նիդերլանդների թիմի հետ։ Երկու թիմերն էլ վաստակել են 12 միավոր եւ բաժանում են 2-6-րդ տեղերը։
Նախորդ տուրերում Հայաստանի հավաքականը հաղթել է Բարբադոսին (4:0), Շոտլանդիային (3,5:0,5), Շվեդիային (2,5:1,5), Արգենտինային (2,5:1,5), ոչ ոքի խաղացել չինացիների հետ (2:2), հաղթել Իրանին թիմին (2,5:1,5), ոչ ոքի խաղացել ԱՄՆ-ի թիմի հետ (2:2):
Նիդերլանդների հավաքականը հաղթել է Հոնկոնգին (3:1), Հյուսիսային Մակեդոնիային (2,5:1,5), Ավստրալիային (2,5:1,5), Հունաստանին (3:1), պարտվել է Հնդկաստանին (1:3), հաղթել է Իսրայելին (4:0) եւ Բուլղարիային (3,5:0,5):
Կանանց Հայաստանի հավաքականը 8-րդ խաղափուլում կմրցի ԱՄՆ-ի թիմի հետ, որի մարզիչն է Հայաստանի հավաքականի նախկին անդամ Մելիքսեթ Խաչիյանը։
Հայաստանի հավաքականը 12 միավորով բաժանում է 3-7-րդ տեղերը։ ԱՄՆ-ի թիմն ունի 11 միավոր եւ բաժանում է 8-11-րդ տեղերը։
Հայ շախմատիստուհիները նախորդ խաղափուլերում հաղթել են Հոնկոնգին (3,5:0,5), Սինգապուրին (3:1), Խորվաթիային (4:0), պարտվել Ղազախստանին (1:3), հաղթել Պերուին (3:1), Լատվիային (3:1) եւ Ադրբեջանին (2,5:1,5):
ԱՄՆ-ի հավաքականը նախորդ տուրերում հաղթել է Անդորրային (4:0), Բելգիային (4:0), Կուբային (3,5:0,5), Իսպանիային (3,5:0,5), ոչ ոքի խաղացել Ուզբեկստանի հետ (2:2), պարտվել է Հնդկաստանին (1:3), հաղթել է Շվեյցարիային (3:1):
Օլիմպիադայում կանցկացվի 11 խաղափուլ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.