Give Me Sport. «Ոսկե գնդակի» ֆավորիտները
18:50 22 սեպտեմբերի, 2026Բրիտանական Give Me Sport պարբերականը ներկայացրել է 2026թ. «Ոսկե գնդակի» ֆավորիտների տասնյակը՝ առաջին տեղում նշելով աշխարհի ու Եվրոպայի չեմպիոն Իսպանիայի հավաքականի եւ Իսպանիայի չեմպիոն «Բարսելոնայի» եզրային հարձակվող Լամին Յամալին։
Երկրորդ տեղում է Գերմանիայի չեմպիոն Մյունխենի «Բավարիայի» եւ աշխարհի առաջնության բրոնզե մեդալակիր Անգլիայի հավաքականի կենտրոնական հարձակվող, այս տարվա «Ոսկե խաղակոշիկի» դափնեկիր Հարի Քեյնը։
Եռյակը եզրափակում է այս տարվա աշխարհի առաջնության «Ոսկե գնդակի» դափնեկիր, աշխարհի չեմպիոն Իսպանիայի հավաքականի կիսապաշտպան Ռոդրին, որն ամռանն Անգլիայի փոխչեմպիոն «Մանչեսթեր Սիթիից» տեղափոխվեց Իսպանիայի չեմպիոն «Բարսելոնա»։
Տասնյակում են նաեւ Իսպանիայի փոխչեմպիոն Մադրիդի «Ռեալի» ֆրանսիացի հարձակվող, աշխարհի առաջնությունների լավագույն ռմբարկու Կիլիան Մբապեն, ՄԼՍ-ի չեմպիոն «Ինտեր Մայամիի» եւ աշխարհի փոխչեմպիոն Արգենտինայի հավաքականի 39-ամյա հարձակվող Լիոնել Մեսին, Ֆրանսիայի հավաքականի եւ Ֆրանսիայի չեմպիոն եւ Չեմպիոնների լիգայի գավաթակիր ՊՍԺ-ի հարձակվող Ուսման Դեմբելեն, «Բավարիայի» ֆրանսիացի կիսապաշտպան Մայքլ Օլիսեն, «Ռեալի» անգլիացի կիսապաշտպան Ջուդ Բելինգեմը, Անգլիայի չեմպիոն Լոնդոնի «Արսենալի» անգլիացի կիսապաշտպան Դեքլան Ռայսն ու ՊՍԺ-ի վրացի հարձակվող Խվիչա Կվարացխելիան։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.