Արսեն Հարությունյանը քնել է RAF չեմպիոնական գոտիով
18:04 22 սեպտեմբերի, 2026Ազատ ոճի ըմբշամարտի Եվրոպայի քառակի չեմպիոն, աշխարհի քառակի բրոնզե մեդալակիր Արսեն Հարությունյանը քնել է RAF-ի չեմպիոնական գոտիով:
Սեպտեմբերի 19-ին Մայամիում անցկացված RAF 13 մրցաշարում Հարությունյանը 6:3 հաշվով հաղթանակի հասավ ամերիկացի Օստին Դեսանթոյի նկատմամբ եւ նվաճեց չեմպիոնական գոտին:
«Բոլորիդ այսպիսի քուն եմ ցանկանում՝ առանց դարդ ու ցավի, գոտին էլ կողքներիդ», - սոցցանցերում կատակել է Եվրոպայի քառակի չեմպիոնը:
Արսեն Հարությունյանը երրորդ գոտեմարտն անցկացրեց ազատ ոճի ըմբշամարտի ամերիկյան RAF լիգայում: Ազատ ոճի ըմբշամարտի Հայաստանի հավաքականի առաջատարն ԱՄՆ-ից կվերադառնա այս գիշեր եւ թիմի հետ կմեկնի Վրաստան՝ ուսումնամարզական հավաքի:
Հիշեցնենք, որ Հայաստանի հավաքականը պատրաստվում է աշխարհի առաջնությանը, որը տեղի է ունենալու հոկտեմբերի 24-ից նոյեմբերի 1-ը Ղազախստանի մայրաքաղաք Աստանայում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.