Բռնցքամարտի ԵԱ․ Հայաստանի 5 ներկայացուցիչ քառորդ եզրափակիչում է
09:41 22 սեպտեմբերի, 2026Բուլղարիայի մայրաքաղաք Սոֆիայում անցկացվող բռնցքամարտի Եվրոպայի առաջնությունում Հայաստանի 5 ներկայացուցիչ դուրս է եկել քառորդ եզրափակիչ։
60 կգ քաշային Արթուր Բազեյանը երկրորդ հաղթանակ է տարել։ Նա նկատելի առավելությամբ պարտության է մատնել Իտալիայի ներկայացուցիչ Ջուզեպե Կանոնցիոյին, հաղորդում է ՀԲՖ-ի մամուլի ծառայությունը: Աշխարհի առաջնության բրոնզե մեդալակիրը հենց սկզբից նախաձեռնողի դերում է եղել ու ոչ մի շանս չի տվել մրցակցին:
1/8 եզրափակիչում վստահ հաղթանակ է տաևել նաև Մարատ Միքայելյանը։ 75 կգ քաշային բռնցքամարտիկը մեծ առավելությամբ պարտության է մատնել հույն Ռադիոս Պանագյոտիսին։ Հայ մարզիկը մրցակցին նաև նոկդաունի է ենթարկել։
Ավելի վաղ տպավորիչ հաղթանակներ էին տարել ու 1/4 եզրափակիչ էին դուրս եկել նաև աշխարհի առաջնության բրոնզե մեդալակիրներ, 50 կգ քաշային Ռուդոլֆ Գարբոյանն ու գերծանր քաշային Դավիթ Չալոյանը և Մ23 Եվրոպայի եռակի չեմպիոն Էլիդա Քոչարյանը (65 կգ), նաեւ 75 կգ քաշային Մարատ Միքայելյանը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.