Բռնցքամարտի ԵԱ. Առաջին մրցումային օրը Հայաստանն ունի 4 ներկայացուցիչ
17:30 17 սեպտեմբերի, 2026Բուլղարիայի մայրաքաղաք Սոֆիայում մեկնարկել է բռնցքամարտի Եվրոպայի առաջնությունը, որին Հայաստանը մասնակցում է 13 բռնցքամարտիկով՝ 10 տղա, 3 աղջիկ: Սեպտեմբերի 17-ին առաջին մրցումային օրը Հայաստանն ունի 4 ներկայացուցիչ: Տղամարդկանց հավաքականից ռինգ դուրս կգան Ժիրայր Սարգսյանը (55 կգ), Հարություն Հակոբկոխյանը (70 կգ) եւ Նարեկ Մանասյանը (90 կգ):
Կանանց հավաքականից պայքարը կսկսի Էլիդա Քոչարյանը (65 կգ):
55 կգ Ժիրայր Սարգսյանը մեկնարկում ուժերը կչափի բելառուս Բուլաիզ Նադիրի հետ:
Բռնցքամարտի աշխարհի չեմպիոն, Եվրոպայի եռակի չեմպիոն Իսրայել Հակոբկոխյանի որդին, Եվրոպայի Մ23 չեմպիոն Հարություն Հակոբկոխյանը (70 կգ) կմեկնարկի 1/16 երզափակիչից, որտեղ կմենամարտի Սլովակիայի ներկայացուցիչ Ադոլֆ Ստանեկն է:
Աշխարհի եւ Եվրոպայի առաջնությունների բրոնզե մեդալակիր Նարեկ Մանասյանը (90 կգ) Նարեկ Մանասյանը նույնպես պայքարը կսկսի 1/16 եզրափակիչից, որտեղ մրցակիցը կլինի հունգարացի Լեվենտե Քիսը:
Եվրոպայի Մ-23 չեմպիոն Էլիդա Քոչարյանը 1/16 եզրափակիչում կմրցի իսպանացի Մարիանա Սոտո Տորեսի հետ:
Ռուդիկ Մկրտչյանի գլխավորությամբ տղամարդկանց Հայաստանի հավաքականի կազմում Եվրոպայի առաջնությանը կմասնակցեն նաեւ Ռուդոլֆ Գարբոյանը (50 կգ), Արթուր Բազեյանը (60 կգ), Արթուր Սահակյանը (65 կգ), Մարատ Միքայելյանը (75 կգ), Արտուշ Հովհաննիսյանը (80 կգ), Ռաֆայել Հովհաննիսյանը (85 կգ) եւ Դավիթ Չալոյանը (+90 կգ):
Վազգեն Բադալյանի գլխավորած կանանց հավաքականից ռինգ դուրս կգան Հեղինե Պետրոսյանը (48 կգ), Լուսյա Ավետիսյանը (54 կգ):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.