Սերբ կիսապաշտպան Սաշա Զդելարը միացավ «Նոային»
12:25 16 սեպտեմբերի, 2026Տրանսֆերային նոր ռեկորդ հայկական ֆուտբոլում, գրում է Հայաստանի փոխչեմպիոն «Նոայի» մամուլի ծառայությունը։
Սերբ կիսապաշտպան Սաշա Զդելարը պայմանագիր է ստորագրել «Նոայի» հետ։
Զդելարն պրոֆեսիոնալ կարիերան սկսել է հայրենիքում՝ ՕՖԿ «Բելգրադում»։ 2015 թվականին նա տեղափոխվել է հունական «Օլիմպիակոս», որի կազմում դարձել է Հունաստանի չեմպիոն։
Կարիերայի ընթացքում Սաշան հանդես է եկել նաև իսպանական «Մալյորկայում», սերբական «Պարտիզանում», Մոսկվայի ԲԿՄԱ-ում և «Զենիթում»։ «Պարտիզանի» կազմում նա երկու անգամ նվաճել է Սերբիայի գավաթը, իսկ ԲԿՄԱ-ի կազմում՝ երկու անգամ Ռուսաստանի գավաթը։
2015 թվականին Զդելարը Սերբիայի Մ-20 հավաքականի կազմում դարձել է աշխարհի չեմպիոն։
Կիսապաշտպանը 9 հանդիպում է անցկացրել նաև Սերբիայի ազգային հավաքականի կազմում։
«Նոայում» Սաշա Զդելարը հանդես կգա 16 համարի խաղաշապիկով:
Transfermarkt-ը նրա տրանսֆերային արժեքը գնահատում է 2,5 միլիոն եվրո։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.