Շախմատային օլիմպիադա․ Հայաստանի թիմերի մրցակիցները մեկնարկում
09:33 16 սեպտեմբերի, 2026Ուզբեկստանի Սամարղանդ քաղաքում սեպտեմբերի 16-ին կմեկնարկի Համաշխարհային շախմատային օլիմպիադան։ Տեղի է ունեցել առաջին տուրի վիճակահանությունը։
Հայաստանի հավաքականը կմրցի Բարբադոսի թիմի հետ։
Կանանց Հայաստանի հավաքականի մրցակիցը կլինի Հոնկոնգի (Չինաստան) թիմը։
Օլիմպիադայում կանցկացվի 11 խաղափուլ։
Հայաստանի հավաքականի կազմում հանդես կգան Հայկ Մարտիրոսյանը, Ռոբերտ Հովհաննիսյանը, Շանթ Սարգսյանը, Գաբրիել Սարգսյանը և Մանուէլ Պետրոսյանը: Հավաքականի մարզիչն է Արման Փաշիկյանը:
Կանանց հավաքականի կազմում հանդես կգան Էլինա Դանիելյանը, Մարիամ Մկրտչյանը, Լիլիթ Մկրտչյանը, Սուսաննա Գաբոյանը և Անահիտ Մկրտչյանը: Հավաքականի մարզիչն է Զավեն Անդրիասյանը:
Հայաստանի տղամարդկանց հավաքականը մեկնարկային աղյուսակում 208 երկների շարքում վարկանիշով զբաղեցնում է 10-րդ տեղը, իսկ կանանց հավաքականը 191 երկրների շարքում՝ 16-րդ տեղը:
Առաջին խաղափուլը կմեկնարկի Հայաստանի ժամանակով 14:00-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.