Լա Լիգա․ «Բարսելոնայի» 5-րդ հաղթանակը, Լամին Յամալի դուբլը (տեսանյութ)
20:19 13 սեպտեմբերի, 2026Իսպանիայի Լա Լիգայի առաջնության 5-րդ տուրում չեմպիոն «Բարսելոնան» Վալենսիայում հյուրընկալվեց «Լեւանտեին»։ Գերմանացի Հանս-Դիտեր Ֆլիկի գլխավորած թիմն առավելության հասավ 4:2 հաշվով։
Արդեն 5-րդ րոպեին հանդիպման հաշիվը բացեց 19-ամյա իսպանացի կիսապաշտպան Խավի Էսպարտը։ 19-րդ րոպեին հյուրերի առավելությունը կրկնապատկեց աշխարհի ու Եվրոպայի չեմպիոն Իսպանիայի հավաքականի 19-ամյա եզրային հարձակվող Լամին Յամալը, որը 48-րդ րոպեին նաեւ արդյունավետ իրացրեց 11-մետրանոցը։
Վերջնամասում դաշտի տերերը երկու գոլ խփեցին, բայց ավելացված ժամանակում կատալոնական թիմի եւ Գերմանիայի հավաքականի 24-ամյա հարձակվող Քարիմ Ադեյեմին խփեց հյուրերի չորրորդ գոլը։
Երկու գոլային փոխանցում կատարեց բրազիլացի հարձակվող Ռաֆինյան։
«Բարսելոնան» 15 միավորով գլխավորում է մրցաշարային աղյուսակը եւ 3 միավոր առաջ է երկրորդ տեղում գտնվող Մադրիդի «Ռեալից»։ «Լեւանտեն» 13-րդն է՝ 5 միավոր։
Իսպանիայի առաջնություն, 5-րդ տուր
«Լեւանտե» - «Բարսելոնա»՝ 2:4 (տեսանյութ)
Իվան Ռոմերո, 79, Ռոխեր Բրուգե, 88 - Խավի Էսպարտ, 5, Լամին Յամալ, 19, 48, 11մ, Քարիմ Ադեյեմի, 90+3
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.