Ֆաբրեգաս. Հասկանում եմ քաղաքի եւ ակումբի հույզերը, բայց կարեւոր է հիշել, որ սա ընդամենը հերթական մրցախաղն է
19:01 10 սեպտեմբերի, 2026Իտալական «Կոմոյի» իսպանացի գլխավոր մարզիչ Սեսկ Ֆաբրեգասը խոսել է Չեմպիոնների լիգայում իր ղեկավարած թիմի առաջիկա նորամուտի մասին։
Առաջին տուրում «Կոմոն» սեպտեմբերի 10-ին կընդունի գերմանական «ՌԲ Լայպցիգին»։
«Ես հասկանում եմ, որ հիմա գլխավոր թեման «Կոմոյի» պատմության մեջ առաջին մասնակցությունն է Չեմպիոնների լիգային, բայց խաղացողների համար սա պետք է լինի մյուս հանդիպումների նման սովորական մրցախաղ։ Ինձ համար կարեւոր է, որ մենք ցուցադրենք մեր ֆուտբոլը։ Ինձ համար ֆուտբոլի էությունն ամեն խաղում սեփական ձեռագիրը պահպանելն է։
Մենք կձգտենք հաղթանակի։ Ես հասկանում եմ քաղաքի եւ ակումբի հույզերը, բայց կարեւոր է հիշել, որ սա ընդամենը հերթական մրցախաղն է ։
«ՌԲ Լայպցիգը» գերազանց թիմ է, եւ մենք պետք է այս դիմակայությունը դիտարկենք մեր շարունակական աճի համատեքստում։ Մենք ցանկանում ենք լինել ուժեղագույնների շարքում։ Տեսնենք, թե ինչ կստացվի, բայց մենք հավատում ենք մեր հնարավորություններին»,- Ֆաբրեգասի խոսքը մեջբերում է ՈՒԵՖԱ-ի կայքը։
«Կոմո» - «ՌԲ Լայպցիգ» հանդիպումը կմեկնարկի Երեւանի ժամանակով 23։00-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.