Խաչանով. Զվերեւի հետ խաղում պետք է լավագույն մարզավիճակում լինեմ
15:09 10 սեպտեմբերի, 2026Աշխարհի 50-րդ ռակետ, ռուսաստանցի Կարեն Խաչանովը խոսել է ԱՄՆ-ի բաց առաջնության կիսաեզրափակիչում աշխարհի երկրորդ ռակետ Ալեքսանդր Զվերեւի դեմ առաջիկա դիմակայության մասին։
«Զվերեւի դեմ խաղում պետք է լավագույն մարզավիճակում լինեմ։ Պետք է համբերատար լինել, բայց վերահսկել խաղը կենտրոնում։ Պետք է խաղամ այնպես, ինչպես խաղացի մինչեւ կիսաեզրափակիչ՝ չշտապելով, կենտրոնում վերահսկողությունը վերցնելով եւ խաղը թելադրելով:
Պետք է ճիշտ կառուցել խաղարկումները: Երբ զգամ՝ հնարավորություն է ստեղծվել, կփոխեմ խաղի տեմպը, որովհետեւ սովորական տեմպով ստիպված կլինենք երկար խաղալ։ Մեզնից որեւէ մեկը պետք է տարբերություն ստեղծի։ Զվերեւի հետ պայքարում կարեւորում եմ նաեւ մատուցման ընդունումը. դա առաջնահերթ է։ Նա ունի հզոր առաջին մատուցում եւ հիանալի ընդունում, այնպես որ ես պետք է կենտրոնանալ նաեւ դրա վրա»,- Խաչանովի խոսքը մեջբերում է Championat.com-ը։
Քառորդ եզրափակիչում Խաչանովը պարտության մատնեց աշխարհի 34-րդ ռակետ, 21-ամյա բելգիացի Ալեքսանդր Բլոքսին:
Եզրափակիչի ուղեգրի համար Խաչանովը կմրցի աշխարհի երրորդ ռակետ, Գերմանիայի ներկայացուցիչ Ալեքսանդր Զվերեւի հետ, որը 6:2, 7:5, 6:1 հաշվով հաղթեց աշխարհի 70-րդ ռակետ, հոլանդացի Բոտին վան դե Զանսխուլպին։
Խաչանովը US Open-ի կիսաեզրափակիչ հասել էր նաեւ 2022-ին։
US Open-ի մրցանակային հիմնադրամը 108 միլիոն դոլար է։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.