Մոուրինյո․ Վինիսիուսն այժմ լավագույն մարզավիճակում չէ
15:23 9 սեպտեմբերի, 2026Իսպանիայի փոխչեմպիոն Մադրիդի «Ռեալի» պորտուգալացի գլխավոր մարզիչ Ժոզե Մոուրինյոն Չեմպիոնների լիգայի առաջին տուրում Իտալիայի չեմպիոն եւ գավաթակիր Միլանի «Ինտերի» նկատմամբ 2:1 հաշվով հաղթանակից հետո գնահատել է իր ղեկավարած թիմի բրազիլացի հարձակվող Վինիսիուս Ժունիորի խաղը։ Նա փոխարինվել էր 87-րդ րոպեին։
«Վինիսիուսն արժանի է իմ հարգանքին, բայց հիմա նա լավագույն մարզավիճակում չէ, եւ մենք բոլորս դա տեսնում ենք։ Նա էլ այդ ամենը շատ լավ հասկանում է եւ համառ աշխատանք է կատարում, որպեսզի դառնա հանդիպման արդյունքը վճռող խաղացող։
Թեեւ նա մարզավիճակի գագաթնակետին չէ, բայց մարզումների եւ հանդիպումների ժամանակ ցուցադրում է ավելին, քան նախկինում։
Հոգնածության պատճառով նա չէր կարողանում լիարժեք միանալ պաշտպանությանը, բայց մեծ ջանք գործադրեց այս հանդիպման ժամանակ։ Ես գնահատում եմ նրա մոտեցումը եւ հարգանքով եմ վերաբերվում նրան։ Եթե նա աշխատում է թիմային հաջողության համար, ապա միշտ կունենա իմ աջակցությունը»,- Մոուրինյոյի խոսքը մեջբերում է AS-ը։
Չեմպիոնների լիգայի երկրորդ տուրում «Ռեալը» հոկտեմբերի 14-ին կհյուրընկալվի իտալական «Ռոմային»։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.