Անտոնիո Ֆերնանդես․ Ընկերական հանդիպումները կօգնեն Հայաստանի թիմին վերականգնել խաղային սկզբունքներն ու որակները
10:55 9 սեպտեմբերի, 2026Ֆուտզալի Հայաստանի ազգային հավաքականը սեպտեմբերի 7-ից սկսել է մարզական հավաքը ՀՖՖ Տեխնիկական կենտրոն/ֆուտբոլի ակադեմիայում։
Այս հավաքով թիմը պատրաստվում է Մոլդովայի հավաքականի դեմ ընկերական խաղերին։
«Կարծում եմ՝ Մոլդովան այնպիսի մրցակից է, որը կօգնի մեզ պատրաստվել աշխարհի առաջնության որակավորման հիմնական փուլին։
Ունենք նորեկներ։ Երկար ժամանակ դիտել և վերլուծել ենք նրանց խաղերը։ Ի սկզբանե ավելի շատ ֆուտզալիստների էինք հրավիրել, բայց քանի որ առջևում ընկերական խաղեր են, ակումբներն իրավունք ունեին նրանց բաց չթողնելու՝ իրենց պաշտոնական հանդիպումների պատճառով։
Ազգային հավաքականի վերջին հավաքից հետո երկար ժամանակ է անցել։ Որոշ խաղացողներ փոխել են ակումբները, ոմանք դեռ թիմ չունեն։ Այդ պատճառով այս ընկերական հանդիպումները կօգնեն մեզ վերականգնել խաղային սկզբունքներն ու որակները, ձեռք բերել անհրաժեշտ մարզավիճակ և պատրաստվել Հունգարիայի դեմ առաջին պաշտոնական խաղին», - Հայաստանի հավաքականի գլխավոր մարզիչ Անտոնիո Ֆերնանդեսի խոսքը մեջբերում է ՀՖՖ-ի կայքը։
Հանդիպումները տեղի կունենան սեպտեմբերի 15-ին և 17-ին Մոլդովայում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.