Արսեն Հարությունյանը երրորդ գոտեմարտը կանցկացնի RAF-ում. մրցակիցը հայտնի է
16:27 8 սեպտեմբերի, 2026Ազատ ոճի ըմբշամարտի Եվրոպայի քառակի չեմպիոն, աշխարհի քառակի բրոնզե մեդալակիր Արսեն Հարությունյանը երրորդ գոտեմարտը կանցկացնի պրոֆեսիոնալ ըմբշամարտի ամերիկյան RAF լիգայի մրցաշարում, որը տեղի կունենա սեպտեմբերի 18-ին ԱՄՆ-ի Ֆլորիդա նահանգի Մայամի քաղաքում: Արսեն Հարությունյանի մրցակիցը կլինի 27-ամյա ամերիկացի ըմբիշ Օստին Դեսանտոն:
Արսեն Հարությունյանը Օստին Դեսանտոյի հետ գոտեմարտում կփորձի նվաճել RAF մրցաշարի չեմպիոնական գոտին:
«Դե ինչ, մրցակիցս արդեն հայտնի է…
Այս հայտարարությունն ինձ ավելի մեծ էներգիա ու մոտիվացիա տվեց։ Մեզ շատ հետաքրքիր, լարված ու դիտարժան գոտեմարտ է սպասվում։ Պատրաստ եղե՛ք»,- սոցցանցերում գրել է Արսեն Հարությունյանը:
Հարությունյան-Դեսանտո դիմակայությունը կլինի երեկոյի գլխավոր գոտեմարտը:
Արսեն Հարությունյանը RAF-ում նախորդ գոտեմարտն անցկացրել էր հուլիսի 19-ին: ԱՄՆ-ի Միլուոկի քաղաքում տեղի ունեցած մրցաշարում Եվրոպայի քառակի չեմպիոնը կամային հաղթանակ է տարել ամերիկացի Բեն Դավինոյի նկատմամբ՝ 6:5:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.