Երիտասարդական ԵԱ. Հայ ձյուդոիստները մեդալ չնվաճեցին
13:51 4 սեպտեմբերի, 2026Հայաստանի հավաքականն ավարտեց մրցելույթները Չեռնոգորիայի մայրաքաղաք Պոդգորիցայում անցկացվող ձյուդոյի Եվրոպայի երիտասարդական առաջնությունում: Դավիթ Խաչատրյանի գլխավորած հավաքականը ԵԱ-ին մասնակցեց 6 ձյուդոիստով՝ Հայկ Դարբինյան (60 կգ), Շավարշ Նահապետյան (60 կգ), Լյովա Սրապյան (66 կգ), Արշակ Բեկչյան (66 կգ), Ժիրայր Համբարյան (73 կգ) եւ Տիգրան Սարուխանյան (81 կգ):
Առաջին մրցումային օրը 60 կգ քաշային Հայկ Դարբինյանը մեկնարկային գոտեմարտում զիջեց Ուկրաինան ներկայացնող Դանիլ Ավրամենկոյին: Այս քաշային կարգում Հայաստանի երկրորդ ներկայացուցիչ Շավարշ Նահապետյանը Շվեյցարիայի ներկայացուցիչ Ալբինա Ֆորդելուսին հաղթելուց հետո, երկրորդ գոտեմարտում պարտվեց իտալացի Ֆրանչեսկո Կրոչիանին:
66 կգ քաշայինների պայքարում Լյովա Սրապյանը չհաղթահարեց սերբ Վելկո Շիմիչի արգելքը, Արշակ Բեկչյանը զիջեց լիտվացի Սիմասու Պոլիկեվիչյուսին:
Երկրորդ մրցումային օրը տատամի դուրս եկած 81 կգ քաշային Տիգրան Սարուխանյանը մեկնարկում պարտվեց լեհ Շիմոն Ժուլիկին, 73 կգ քաշային Ժիրայր Համբարյանը պարտություն կրեց ռուս Ատմիր Սոբրիլովից:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.