«Ռեալ Սոսիեդադի» մարզական տնօրենը՝ Զախարյանի մասին. Եկել է արդյունք ցույց տալու ժամանակը
19:40 2 սեպտեմբերի, 2026Իսպանական «Ռեալ Սոսիեդադի» մարզական տնօրեն Էրիկ Բրետոսը խոսել է թիմի 23-ամյա ռուսաստանցի կիսապաշտպան Արսեն Զախարյանը։
«Առաջին տարում Զախարյանը ցույց տվեց, թե ինչ որակներ ունի, հետո սկսվեցին վնասվածքների հետ կապված խնդիրները, իսկ անցած տարին մեծ հիասթափություն էր բոլորիս համար։ Ես խոսեցի նրա հետ եւ ասացի, որ մենք համբերատար ենք, բայց արդեն եկել է արդյունք ցույց տալու ժամանակը։ Ամեն ինչին սահման կա։
Հիմա նա առանցքային դեր չունի թիմում, քանի որ դրա համար պետք է ցուցադրել կայուն խաղ եւ օգտագործել շանսը, երբ այն հայտնվում է։ Զախարյանի տաղանդն ու ունակությունները ոչ ոք կասկածի տակ չի դնում»,- Բրետոսի խոսքը մեջբերում է Mundo Deportivo-ն։
Ընթացիկ մրցաշրջանում Զախարյանը մասնակցել է մեկ հանդիպման «Բետիսի» դեմ՝ փոխարինման դուրս գալով 87-րդ րոպեին։ Նրա պայմանագիրը «Ռեալ Սոսիեդադի» հետ նախատեսված է մինչեւ 2029թ. հունիս։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.