Պաբլո Գարսիա․ Ֆուտբոլը խիզախության, հավատի և քրտնաջան աշխատանքի մասին է (ֆոտո)
19:02 21 օգոստոսի, 2026Ֆուտբոլի Հայաստանի փոխչեմպիոն «Նոան» ներկայացրել է թիմի նորանշանակ գլխավոր մարզիչ Պաբլո Գարսիայի մտքերը․
«Ֆուտբոլը խիզախության, հավատի և քրտնաջան աշխատանքի մասին է։ «Նոա» ՖԱ-ում ամեն օր պահանջելու ենք այս գործոնները՝ թե՛ ինքներս մեզնից, թե՛ ակումբի խաղաշապիկը կրող յուրաքանչյուր ֆուտբոլիստից»։
Պաբլո Գարսիան փոխարինել է խորվաթ Սանդրո Պերկովիչին։
49-ամյա Պաբլո Գարսիան մարզչական կարիերան սկսել է հունական ՊԱՕԿ-ի համակարգում՝ լինելով երիտասարդական և հիմնական թիմի գլխավոր մարզիչ։
3 մրցաշրջան անընդմեջ նրա գլխավորությամբ ՊԱՕԿ-ի երիտասարդական թիմը հռչակվել է Հունաստանի Մ-19 տարեկանների առաջնության հաղթող։ ՊԱՕԿ-ի գլխավոր թիմի ղեկին 2020/21 մրցաշրջանում ակումբը դարձել է Հունաստանի գավաթակիր։
Մարզչական կարիերայի ընթացքում նա աշխատել է նաև հունական «Պանսերաիկոս», «Ատրոմիտոս» և կիպրական ԱՊՕԷԼ ակումբներում։
Ֆուտբոլիստի կարիերայի ընթացքում Պաբլո Գարսիան հանդես է եկել Մադրիդի «Ռեալում», իտալական «Միլանում», իսպանական «Օսասունայում», «Սելտայում», նաև Ուրուգվայի ազգային հավաքականում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.