Նաիր Թիկնիզյանն՝ «Օլիմպիակոսի» խաղացող
10:55 18 օգոստոսի, 2026Հայաստանի հավաքականի 27-ամյա եզրային պաշտպան Նաիր Թիկնիզյանը Սերբիայի չեմպիոն Բելգրադի «Ցրվենա Զվեզդայից» տեղափոխվեց Հունաստանի փոխչեմպիոն «Օլիմպիակոս», որը սոցիալական ցանցերում նրա մասնակցությամբ տեսանյութ է հրապարակել։
Նաիր Թիկնիզյանը երեկ էր ժամանել Հունաստան եւ բուժզննում անցնելուց հետո պետք է կնքեր չորս տարվա պայմանագիր, որի մասին պաշտոնապես դեռ չի հայտարարվել։ Տրանսֆերի գումարը կկազմի 5 միլիոն եվրո։
Անցած մրցաշրջանում Նաիր Թիկնիզյանը Բելգրադի «Ցրվենա Զվեզդայի» հետ մասնակցել է 47 հանդիպման, խփել 1 գոլ, կատարել 7 գոլային փոխանցում, դարձել Սերբիայի չեմպիոն։
Չեմպիոնների լիգայի որակավորման երրորդ փուլում «Ցրվենա Զվեզդան» չկարողացավ հաղթահարել իսրայելական «Հապոելի» արգելքը։
«Օլիմպիակոսը» նույնպես դուրս է մնացել Չեմպիոնների լիգայից՝ որակավորման երրորդ փուլում պարտվելով հոլանդական ՆԵԿ-ին։ Հունական թիմը հանդես կգա Կոնֆերենցիաների լիգայի հիմնական փուլում։
Հունաստանի Սուպերլիգայի առաջին տուրում «Օլիմպիակոսը» օգոստոսի 22-ին կընդունի «Ատրոմիտոսին»։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.