Նաիր Թիկնիզյանը ժամանել է Հունաստան եւ պայմանագիր կկնքի «Օլիմպիակոսի» հետ

12:11   17 օգոստոսի, 2026

Հայաստանի հավաքականի եզրային պաշտպան Նաիր Թիկնիզյանը ժամանել է Հունաստան եւ բուժզննում անցնելուց հետո չորս տարվա պայմանագիր կկնքի Հունաստանի փոխչեմպիոն «Օլիմպիակոսի» հետ, հաղորդում է հունական protothema.gr-ն։ Տրանսֆերի գումարը կկազմի 5 միլիոն եվրո։

Անցած մրցաշրջանում Նաիր Թիկնիզյանը Բելգրադի «Ցրվենա Զվեզդայի» հետ մասնակցել է 47 հանդիպման, խփել 1 գոլ, կատարել 7 գոլային փոխանցում, դարձել Սերբիայի չեմպիոն։

Չեմպիոնների լիգայի որակավորման երրորդ փուլում «Ցրվենա Զվեզդան» չկարողացավ հաղթահարել իսրայելական «Հապոելի» արգելքը։

«Օլիմպիակոսը» նույնպես դուրս է մնացել Չեմպիոնների լիգայից՝ որակավորման երրորդ փուլում պարտվելով հոլանդական ՆԵԿ-ին։ Հունական թիմը հանդես կգա Կոնֆերենցիաների լիգայի հիմնական փուլում։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.