Չեմպիոնների լիգա․ «Արարատ-Արմենիայի» կամային հաղթանակը «Ցելիեի» նկատմամբ (ֆոտո, վիդեո)
21:55 4 օգոստոսի, 2026Ֆուտբոլի Հայաստանի չեմպիոն «Արարատ-Արմենիան» Չեմպիոնների լիգայի որակավորման երրորդ փուլի (կիսաեզրափակիչ) առաջին խաղում ընդունեց սլովենական «Ցելիեին»։ Պորտուգալացի Մանուել Տուլիպայի գլխավորած թիմն առավելության հասավ 2:1 հաշվով։
Երեւանի Վազգեն Սարգսյանի անվան «Հանրապետական» ստադիոնում տեղի ունեցած հանդիպման առաջին խաղակեսն ավարտվեց ոչ ոքի՝ 1:1:
21-րդ րոպեին 11-մետրանոցից հանդիպման հաշիվը բացեց հյուրերի 24-ամյա սլովենացի կիսապաշտպան Սվիտ Սեշլարը (տեսանյութ)։
38-րդ րոպեին 23-ամյա հարձակվող Արթուր Սերոբյանը հեռվից փայլուն իրացրեց տուգանային հարվածը՝ գրավելով մրցակցի դարպասը (տեսանյութ)։
Երկրորդ խաղակեսում երեւանյան թիմը հասավ հաղթանակի։ 70-րդ րոպեին «Արարատ-Արմենիայի» հաղթական գոլը խփեց 31-ամյա բրազիլացի հարձակվող Կառլոս Ֆրանսան (տեսանյութ)։
Պատասխան հանդիպումը Սլովենիայում տեղի կունենա օգոստոսի 11-ին։
Այս դիմակայության հաղթողը որակավորման փլեյ-օֆֆում կհանդիպի «Սլովան Բրատիսլավա» (Սլովակիա) - «Միելբյու» (Շվեդիա) զույգի հաղթողի հետ։
Լուսանկարները՝ Էմմա Ասատրյանի
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.