Գոռ Խաչատրյանն՝ աշխարհի չեմպիոն, Հայկ Մինասյանը՝ բրոնզե մեդալակիր (ֆոտո)
22:32 23 հուլիսի, 2026Հրաձգության Հայաստանի թիմը երրորդ ոսկե մեդալն է նվաճել Էստոնիայի մայրաքաղաք Տալինում անցկացվող շարժվող թիրախ մրցաձեւի աշխարհի առաջնությունում:
Մրցումային երրորդ օրը նորմալ վազք մրցաձեւում Գոռ Խաչատրյանն ու Հայկ Մինասյանը հաղթահարեցին որակավորման փուլը եւ անցան կիսաեզրափակիչ, որտեղ Գոռ Խաչատրյանը 6:2 հաշվով հաղթեց Հայկ Մինասյանին՝ դուրս գալով եզրափակիչ։
Եզրափակիչում Խաչատրյանը նույն՝ 6:2 հաշվով առավելության հասավ ուկրաինացի մրցակցի նկատմամբ եւ նվաճեց աշխարհի չեմպիոնի տիտղոսը։
Հայկ Մինասյանը բրոնզե մեդալի համար պայքարում 11:9 հաշվով հաղթեց կորեացի մարզիկին եւ դարձավ աշխարհի առաջնության բրոնզե մեդալակիր։
Երիտասարդների պայքարում շարժվող թիրախ նորմալ վազք մրցաձեւում Աիդա Ազատյանը երկրորդ ոսկե մեդալը նվաճեց: Եզրափակիչում Ազատյանը 8։6 հաշվով առավելության հասավ մրցակցի նկատմամբ՝ դառնալով երիտասարդների աշխարհի առաջնության կրկնակի հաղթող։
Հայաստանի հավաքականից աշխարհի չեմպիոն էր հռչակվել հրաձիգ Հայկ Մինասյանը շարժվող թիրախ խառը վազք մրցաձեւի տղամարդկանց անհատական պայքարում՝ վաստակել էր 384 միավոր: Ոսկե մեդալակիր է դարձել նաեւ Հայաստանի թիմը շարժվող թիրախ նորմալ վազք մրցաձեւի տղամարդկանց թիմային պայքարում:
Գոռ Խաչատրյանը, Հովհաննես Մարգարյանը եւ Հայկ Մինասյանը վաստակել են 1719 միավոր:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.