Տուխել․ Հասկանում ենք, որ Մեսիին 100 տոկոսով վերահսկել չի ստացվի, բայց մենք կլինենք համարձակ
14:04 15 հուլիսի, 2026Անգլիայի հավաքականի գերմանացի գլխավոր մարզիչ Թոմաս Տուխելը խոսել է աշխարհի չեմպիոն Արգենտինայի հետ առաջիկա դիմակայությունում 39-ամյա հարձակվող Լիոնել Մեսիին չեզոքացնելու հնարավորությունների մասին։ Թիմերը կհանդիպեն աշխարհի առաջնության կիսաեզրափակիչում։
«Շատ լավ հասկանում ենք, որ Մեսիին 100 տոկոսով վերահսկել չի ստացվի, բայց մենք կլինենք համարձակ։ Մեսին շատ է տարբերվում Հոլանդից, բայց մենք շատ լավ խաղացինք Նորվեգիայի դեմ եւ գտանք Էրլինգի դեմ ճիշտ խաղալու միջոցը։ Նույն կերպ մենք կգտնենք հակախաղ Մեսիի դեմ։
Առաջին անգամ է մեր թիմը խաղալու Մեսիի դեմ։ Պարզապես անհավանական է, թե ինչպես է նա ամեն անգամ տարբեր ձեւերով գտնում գոլ խփելու հնարավորություն։ Մեսին գտնում է ազատ գոտիներ, հարմար պահեր, եւ ամենագլխավորն այն է, որ ամբողջ թիմը կիսում է նրա գաղափարները։ Արգենտինայի ամբողջ թիմը աջակցում է Մեսիին, օգնում է նրան եւ պատրաստ են պահերին, երբ Լեոն միանում է խաղին, որպեսզի փոխի պայքարի ընթացքը։
Իհարկե, մենք կպատրաստվենք դրան։ Պետք է զրկել նրան թիմակիցների աջակցությունից եւ վերահսկել նրա բոլոր տեղաշարժերը, երբ գնդակով է»,- Տուխելի խոսքը մեջբերում է ESPN-ը։
Անգլիա - Արգենտինա հանդիպումը տեղի կունենա հուլիսի 15-ին եւ կմեկնարկի Երեւանի ժամանակով 23:00-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.