ԱԱ-2026. Արգենտինան լրացուցիչ ժամանակում հաղթեց Շվեյցարիային եւ կիսաեզրափակիչում է (տեսանյութ)
08:17 12 հուլիսի, 2026Աշխարհի չեմպիոն Արգենտինայի հավաքականը դուրս եկավ ֆուտբոլի աշխարհի առաջնության կիսաեզրափակիչ։
ԱՄՆ-ի Միսուրի նահանգի Կանզաս Սիթիում անցկացված քառորդ եզրափակիչի խաղում արգենտինացի Լիոնել Սկալոնիի գլխավորած թիմը լրացուցիչ ժամանակում 3:1 հաշվով հաղթեց Շվեյցարիայի հավաքականին (տեսանյութ):
10-րդ րոպեին Արգենտինայի հավաքականն անկյունայինի իրավունք վաստակեց: ՄԼՍ-ի չեմպիոն, ամերիկյան «Ինտեր Մայամիի» եւ Արգենտինայի հավաքականի 39-ամյա հարձակվող Լիոնել Մեսիի արդյունավետ փոխանցումից հետո Շվեյցարիայի դարպասը գլխի հարվածով գրավեց անգլիական «Լիվերպուլի» 27-ամյա հարձակվող Ալեքսիս Մաք Ալիսթերը:
Լիոնել Մեսին 10-րդ գոլային փոխանցումը կատարեց աշխարհի առաջնություններում:
67-րդ րոպեին պատասխան գոլը խփեց անգլիական «Նոթինգեմ Ֆորեսթի» 25-ամյա հարձակվող Դան Նդոյեն, որին փոխանցում կատարեց իսպանական «Ռեալ Բետիսի» 33-ամյա պաշտպան Ռիկարդո Ռոդրիգեսը:
72-րդ րոպեից Շվեյցարիայի հավաքականը խաղում էր 10 ֆուտբոլիստներով։
Արգենտինայի կիսապաշտպան Լեանդրո Պարեդեսը դեղին քարտ ստացավ Ֆրանսիական «Ռենի» 29-ամյա հարձակվող Բրիլ Էմբոլոյի հետ պայքարում խախտում կատարելու համար: VAR- հուշումից հետո մրցավարը չեղարկեց Պարեդեսի դեղին քարտը եւ կարմիր քարտ ցույց տվեց Բրիլ Էմբոլոյին՝ սիմուլյացիայի համար: Էմբոլոն հեռացվեց՝ թողնելով Շվեյցարիայի հավաքականին 10 ֆուտբոլիստով։
Հիմնական ժամանակն ավարտվեց 1:1 հաշվով:
Լրացուցիչ ժամանակի առաջին խաղակեսում մրցակիցները գոլ չխփեցին: 112-րդ րոպեին Արգենտինայի հավաքականից աչքի ընկավ Մադրիդի «Աթլետիկոյի» 26-ամյա հարձակվող Խուլիան Ալվարեսը: Նրան փոխանցում կատարեց բրազիլական «Պալմեյրասի» 25-ամյա հարձակվող Խոսե Մանուել Լոպեսը:
Լրացուցիչ ժամանակի ավելացված րոպեին Արգենտինայի հաղթական գոլը խփեց Միլանի «Ինտերի» 28-ամյա հարձակվող Լաուտարո Մարտինեսը։
Կիսաեզրափակիչում Արգենտինայի մրցակիցը կլինի Անգլիայի հավաքականը, որը քառորդ եզրափակիչում պայքարից դուրս թողեց Նորվեգիային:
ԱԱ-2026, 1/4 եզրափակիչ
Արգենտինա – Շվեյցարիա՝ 3:1 (տեսանյութ)
Ալեքսիս Մաք Ալիսթեր, 10, Խուլիան Ալվարես, 112, Լաուտարո Մարտինես, 120+1 - Դան Նդոյ, 67,
Հեռացում՝ Բրիլ Էմբոլո (Շվեյցարիա), 72
Մանե Կոտիկյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.