ԱԱ-2026․ Անգլիան ուժեղ էր Մեքսիկայից, Բելինգեմի դուբլը 2 րոպեում (տեսանյութ)
08:39 6 հուլիսի, 2026Անգլիայի հավաքականը դուրս եկավ աշխարհի առաջնության քառորդ եզրափակիչ։
Մեքսիկայի մայրաքաղաք Մեխիկոյի «Ացտեկա» ստադիոնում գերմանացի Թոմաս Տուխելի գլխավորած թիմը 3:2 հաշվով պարտության մատնեց մեքսիկացիներին։
Երկու րոպեում դուբլի հեղինակ դարձավ Մադրիդի «Ռեալի» կիսապաշտպանն Ջուդ Բելինգեմը, որն աչքի ընկավ 36-րդ եւ 38-րդ րոպեներին։
42-րդ րոպեին հաշվի տարբերությունը կրճատեց Մեքսիկայի հավաքականի եւ սաուդյան «Ալ Կադիսիայի» հարձակվող Խուլիան Կինյոնեսը։
54-րդ րոպեին Անգլիայի թիմը մնաց 10 ֆուտբոլիստներով։ Կոպիտ խաղի համար հեռացվեց Լեւերկուզենի «Բայերի» պաշտպան Ջարել Կուանսան։
60-րդ րոպեին 11-մետրանոցից գոլի հեղինակ դարձավ Անգլիայի հավաքականի եւ Մյունխենի «Բավարիայի» հարձակվող Հարի Քեյնը։
69-րդ րոպեին Մեքսիկայի երկրորդ գոլը խփեց անգլիական «Վուլվերհեմփթոնի» հարձակվող Ռաուլ Խիմենեսը, որն արդյունավետ իրացրեց 11-մետրանոցը։
Քառորդ եզրափակիչում Անգլիայի մրցակիցը կլինի Նորվեգիան, որը 1/8 եզրափակիչում 2:1 հաշվով հաղթել էր Բրազիլիային։
ԱԱ-2026, 1/8 եզրափակիչ
Մեքսիկա - Անգլիա՝ 2:3 (տեսանյութ)
Խուլիան Կինյոնես, 42, Ռաուլ Խիմենես, 69, 11մ - Ջուդ Բելինգեմ, 36, 38, Հարի Քեյն, 60, 11մ
Հեռացում՝ Ջարել Քուանսա (Անգլիա), 54
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.